https://www.nplg.gov.ge/wikidict/index.php?action=history&feed=atom&title=%E1%83%A8%E1%83%90%E1%83%95%E1%83%97%E1%83%90%E1%83%95%E1%83%90_%E1%83%AC%E1%83%98%E1%83%95%E1%83%AC%E1%83%98%E1%83%95%E1%83%90 2026-05-03T01:01:06Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A8%E1%83%90%E1%83%95%E1%83%97%E1%83%90%E1%83%95%E1%83%90_%E1%83%AC%E1%83%98%E1%83%95%E1%83%AC%E1%83%98%E1%83%95%E1%83%90&diff=248783&oldid=prev 2025-05-31T15:18:34Z

<p>ახალი გვერდი: &#039;&#039;&#039;შავთავა წივწივა&#039;&#039;&#039; (ლათ. Parus palustris Linnaeus, 1758) – ფრინველი [[ბეღურასნაირ...</p> <p><b>ახალი გვერდი</b></p><div>'''შავთავა წივწივა''' (ლათ. Parus palustris Linnaeus, 1758) – ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[წივწივასებრნი]] (Paridae)<br /> * გვარი − [[წივწივა]] (Parus)<br /> შავთავა წივწივა პატარა ზომის ფრინველია; ფრთა 60-70 მმ-ია, კუდი – 55-70 მმ, [[ნისკარტი (ფრინველის)|ნისკარტი]] – 7-9 მმ, წონა – 10-12 გ. მამალი ოდნავ დიდია დედალზე. შეფერილობაში სქესთა შორის განსხვავება არაა. ზრდასრულ ფრინველს თავი ზემოდან და კისრის უკანა მხარე შავი აქვს, [[ლურჯი]] მეტალური ელვარებით. ზურგი და ფრთების მფარავები მოქვიშისფრო ან მოწაბლისფრო-[[რუხი (ფერი)|რუხია]], მოცისფრო ანარეკლის გარეშე. ფრთებისა და საჭის ბუმბულები მორუხო-რქისფერია, უფრო ღია ფერის ვიწრო არშიებით. ყელზე აქვს შავი ლაქა. თავის გვერდები [[თეთრი (ფერი)|თეთრია]], კისერზე ჟანგმიწისფერი ელფერით. სხეულის ქვემო მხარე თეთრია, მსუბუქი ჟანგმიწისფერი ან მორუხო ელფერით. ნისკარტი შავია, ფეხები – მოცისფრო- რუხი.<br /> <br /> აღწერილია 10 ქვესახეობა. [[საქართველო]]ში ზოგჯერ მოიპოვება ყაბარდოული შავთავა წივწივა – P. p. cabardensis Buturlin, 1929. <br /> <br /> ====გავრცელება==== <br /> სახეობის არეალი ძალიან დანაწევრებულია და მოიცავს რამდენიმე იზოლირებულ რეგიონს [[ევროპა]]სა და [[აზია]]ში. მათ შორის ყველაზე ვრცელია არეალის დასავლეთევროპული ნაწილი, რომელიც [[ჩრდილოეთი]]თ მიდის სკანდინავიის სამხრეთ ნაწილამდე და ბალტიის ზღვის სანაპიროებამდე; [[სამხრეთი]]თ ვრცელდება სიცილიაზე, სარდინიაზე, [[იტალია]]ში და ბალკანეთის ქვეყნებში; [[დასავლეთი]]თ – ინგლისში, [[ირლანდია]]სა და [[საფრანგეთი|საფრანგეთში]] ([[ესპანეთი|ესპანეთსა]] და [[პორტუგალია]]ში არაა). [[აღმოსავლეთი]]თ მოიცავს სსრ კავშირის ევროპული ნაწილისა და [[კავკასია|კავკასიის]] ტყისა და ნაწილობრივ ტყე-ველის ზონებს, აგრეთვე მცირე აზიას. გარდა ამისა, მოიპოვება ალტაის მთებში, ზღვისპირეთის მხარეში, სახალინზე, კურილის კუნძულებზე, [[იაპონია]]ში, მანჯურიაში, კორეასა და ჩრდილო-დასავლეთ [[ჩინეთი|ჩინეთში]]. არეალის ჩრდილოეთ ნაწილში მომთაბარეა, ხოლო სამხრეთში – მობინადრე. საქართველოში შავთავა წივწივა არაა რეგისტრირებული, მაგრამ დასაშვებია მისი არსებობა მთავარი კავკასიონის ცენტრალური ნაწილის ჩრდილოეთ კალთებზე.<br /> <br /> ====ბიოტოპი==== <br /> ბინადრობს მთების ფოთლოვან, იშვიათად შერეულ ტყეებში, მეტწილად – ნაკადულების ან [[ჭაობი]]ანი ადგილების მახლობლად.<br /> <br /> ====გამრავლება==== <br /> სხვა წივწივების მსგავსად, [[მონოგამია|მონოგამიური]] ფრინველია. ბუდობს ფუღუროებში, ბუდეს აკეთებს მხოლოდ დედალი. წელიწადში ორჯერ მრავლდება. პირველად აპრილში დებს 7-10 კვერცხს, ხოლო მეორედ მაისის ბოლოს ან ივნისის დასაწყისში – 6-9 კვერცხს. კრუხად ჯდება მხოლოდ დედალი, საინკუბაციო პერიოდი 13-15 დღეს გრძელდება.<br /> <br /> ====კვება==== <br /> მეტწილად ენტომოფაგი ფრინველია, იკვებება ტყის [[მწერები]]თ, რომელთა შორის ბევრია ტყის მავნებელი. ჭამს ობობებსაც, მცირე რაოდენობით – თესლებსა და კენკრასაც.<br /> <br /> ====მნიშვნელობა==== <br /> მავნე მწერების განადგურებით მნიშვნელოვანი სარგებლობა მოაქვს სატყეო მეურნეობისათვის.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:წივწივასებრნი]]<br /> [[კატეგორია:წივწივა]]</div>

Echelidze