https://www.nplg.gov.ge/wikidict/index.php?action=history&feed=atom&title=%E1%83%A8%E1%83%90%E1%83%95%E1%83%9B%E1%83%A3%E1%83%AA%E1%83%94%E1%83%9A%E1%83%90_%E1%83%92%E1%83%95%E1%83%A0%E1%83%98%E1%83%A2%E1%83%A9%E1%83%98%E1%83%A2%E1%83%90 2026-05-07T07:28:48Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A8%E1%83%90%E1%83%95%E1%83%9B%E1%83%A3%E1%83%AA%E1%83%94%E1%83%9A%E1%83%90_%E1%83%92%E1%83%95%E1%83%A0%E1%83%98%E1%83%A2%E1%83%A9%E1%83%98%E1%83%A2%E1%83%90&diff=243927&oldid=prev 2025-04-07T12:22:35Z

<p>ახალი გვერდი: &#039;&#039;&#039;შავმუცელა გვრიტჩიტა&#039;&#039;&#039; (ლათ. Pterocles orientalis Linnaeus, 1758) − ფრინველი [[გვრიტ...</p> <p><b>ახალი გვერდი</b></p><div>'''შავმუცელა გვრიტჩიტა''' (ლათ. Pterocles orientalis Linnaeus, 1758) − ფრინველი [[გვრიტჩიტასნაირნი|გვრიტჩიტასნაირთა]] რიგიდან.<br /> * კლასი − ფრინველები (AVES)<br /> * რიგი − [[გვრიტჩიტასნაირნი]] (Pterocletiformes)<br /> * ოჯახი − [[გვრიტჩიტასებრნი]] (Pterocletidae)<br /> * გვარი − [[გვრიტჩიტა]] (Pterocles)<br /> შავმუცელა გვრიტჩიტა სიდიდით სჭარბობს [[თეთრმუცელა გვრიტჩიტა]]ს, ფრთა 220-255 მმ-ია, [[ნისკარტი (ფრინველის)|ნისკარტი]] – 13-15 მმ, წონა – 300-550 გ. მამალი დიდია დედალზე. სქესთა შორის განსხვავებაა შეფერილობაშიც. ზრდასრულ მამალს თავი ზემოდან, გვერდებიდან<br /> და კისრის უკანა ნაწილი მოწაბლისფრო-[[რუხი (ფერი)|რუხი]] აქვს. ზურგის, მხრების, ფრთებისა და კუდის მფარავები მკრთალი ცვილისფერია, მაგრამ წვეროებზე აქვთ მოყვითალო ან მოჟანგისფრო ლაქები, ხოლო წვეროებს ქვემოთ მორუხო-[[იისფერი]] განივი ზოლები. მურა-მოჟანგისფრო ყელი და კისრის გვერდები, ჩიჩახვისაგან შავი ზოლითაა გამოყოფილი. ჩიჩახვის მიდამოები მორუხოა, ხოლო მკერდი [[ყვითელი (ფერი)|ყვითელი]]. მუცელი და სხეულის გვერდები შავია, მომქნევები მურა-მოცისფრო, საჭის ბუმბულები მორუხო-[[ცისფერი]], ჟანგმიწისფერი განივი ზოლებით და თეთრი წვეროებით. საჭის შუა წყვილს რუხი ბოლოები აქვთ და ოდნავ წაგრძელებულია. დედალი ზემო მხრიდან ჟანგმიწისფერია, მაგრამ მუქი გასწვრივი ზოლები აქვს თავსა და კისრის უკანა მხარეს, ხოლო განივი ზოლები – ზურგზე, მხრებსა და ფრთების ზემო მფარავებზე. ყელი მოყვითალოა და ჩიჩახვისაგან შავი ზოლითაა გამოყოფილი. ჩიჩახვი და მკერდის წინა ნაწილი მოყვითალოა, მუქი მურა ლაქებით.<br /> <br /> აღწერილია 2 ქვესახეობა. საქართველოში გვხვდება დასავლური შავმუცელა გვრიტჩიტა – P. o. orientalis Linn., 1758.<br /> <br /> ====გავრცელება==== <br /> სახეობის ბუდობის არეალი მოიცავს პირენეის ნახევარკუნძულს, ჩრდილო-დასავლეთ [[აფრიკა]]ს, კანარის კუნძულებს, [[კვიპროსი|კვიპროსს]], [[პალესტინა]]ს, მცირე [[აზია]]ს, [[ამიერკავკასია]]ს, სამხრეთ იმიერვოლგისპირეთს, თურქესტანს, [[ირანი|ირანსა]] და [[ავღანეთი|ავღანეთს]]. ზამთარში აღწევს მესოპოტამიამდე და ჩრდილო-დასავლეთ [[ინდოეთი|ინდოეთამდე]]. მობინადრე, ზოგან მომთაბარეა. არეალის ჩრდილოეთი ნაწილიდან გადამფრენია. საქართველოში შეიძლება შეგვხვდეს როგორც იშვიათი შემომფრენი ფრინველი.<br /> <br /> ====ბიოტოპი==== <br /> უდაბნოები და ნახევარუდაბნოები როგორც [[ბარი|ბარში]], ისე [[პლატო|პლატოებზეც]] – 1800 მ-მდე ზ. დ. [[თიხნარი]] [[გრუნტი]]თა და ქსეროფილური მცენარეულობით.<br /> <br /> ====გამრავლება==== <br /> ბუდეს არ აკეთებს, კვერცხებს დებს მიწაზე ბუჩქის ქვეშ, ჩაღრმავებისა და ამონაფენის გარეშე. მაისის პირველ ნახევარში დებს ჩვეულებრივად 3 კვერცხს. კრუხად მორიგეობით ჯდება ორივე მშობელი. საინკუბაციო პერიოდი 30 დღემდე გრძელდება.<br /> <br /> ====კვება==== <br /> შავმუცელა გვრიტჩიტას ძირითად საკვებს შეადგენენ ველისა და უდაბნოს მცენარეთა [[თესლი|თესლები]] და ნორჩი ყლორტები. მცირე რაოდენობით ჭამს [[მწერები|მწერებსაც]]. რეგულარულად სვამს წყალს, ამასთან არა მარტო მტკნარს, არამედ მლაშესაც.<br /> <br /> ====მნიშვნელობა==== <br /> კვების ხასიათის მიხედვით პრაქტიკული მნიშვნელობა არა აქვს, მაგრამ ზოგან ითვლება ძვირფას სანადირო ობიექტად.<br /> <br /> ==წყარო==<br /> *[[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:გვრიტჩიტასნაირნი]]<br /> [[კატეგორია:გვრიტჩიტასებრნი]]<br /> [[კატეგორია:გვრიტჩიტა]]</div>

Echelidze