https://www.nplg.gov.ge/wikidict/index.php?action=history&feed=atom&title=%E1%83%A8%E1%83%90%E1%83%A8%E1%83%95%E1%83%98%E1%83%A1%E1%83%94%E1%83%91%E1%83%A0%E1%83%98_%E1%83%9B%E1%83%94%E1%83%A9%E1%83%90%E1%83%9A%E1%83%98%E1%83%90 2026-05-13T21:34:09Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A8%E1%83%90%E1%83%A8%E1%83%95%E1%83%98%E1%83%A1%E1%83%94%E1%83%91%E1%83%A0%E1%83%98_%E1%83%9B%E1%83%94%E1%83%A9%E1%83%90%E1%83%9A%E1%83%98%E1%83%90&diff=248710&oldid=prev 2025-05-29T11:53:16Z

<p>ახალი გვერდი: &#039;&#039;&#039;შაშვისებრი მეჩალია&#039;&#039;&#039; (ლათ. Acrocephalus arundinaceus Linnaeus, 1758) − ფრინველი [[ბეღუ...</p> <p><b>ახალი გვერდი</b></p><div>'''შაშვისებრი მეჩალია''' (ლათ. Acrocephalus arundinaceus Linnaeus, 1758) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ასპუჭაკასებრნი]] (Sylviidae)<br /> * გვარი − [[მეჩალია]] (Acrocephalus)<br /> შაშვისებრი მეჩალია [[მეჩალია|მეჩალიებს]] შორის ყველაზე დიდია, ფრთა 85-105 მმ-ია, კუდი – 70-85 მმ, [[ნისკარტი (ფრინველის)|ნისკარტი]] – 15-20 მმ, წონა – 25-33 გ. მამალი დიდია დედალზე. შეფერილობაში სქესობრივი დიმორფიზმი შეუმჩნეველია. ზრდასრული ფრინველი ზემო მხრიდან ერთფეროვანი წენგოსფერ-მურაა, მოქარცისფრო ელფერით, რაც უფრო კარგად არის გამოხატული წელის მიდამოში და კუდზედა ბუმბულებზე. წარბები მკრთალი ჟანგმიწისფერია, ხოლო ყურების მფარავებზე აქვს ღია ფერის ლაქები. სხეულის ქვემო მხარე ღია ფერისაა, ყელი და კისერი წინა მხრიდან მოთეთრო, ხოლო მოთეთრო მუცელზე მოყვითალო ელფერი გადაჰკრავს. მკერდის შუა ნაწილი მორუხოა; სხეულის გვერდები და კუდის ქვემო მფარავები ჟანგმიწისფერ-მოწაბლისფროა. შემოდგომით ზურგის მხარე უფრო ქარცი ხდება, ხოლო ქვემო მხარე – ჟანგმიწისფერი. ნისკარტი მუქია, მაგრამ ნისკარტქვედა ძირში მოყვითალოა. ფეხები [[რუხი (ფერი)|რუხია]].<br /> <br /> აღწერილია 18 ქვესახეობა. [[საქართველო]]ში მოიპოვება ევროპული შაშვისებრი მეჩალია – A. a. arundinaceus Linn., 1758.<br /> <br /> ====გავრცელება==== <br /> სახეობის ბუდობის არეალი მეტად ვრცელია და მოიცავს მრავალ იზოლირებულ რეგიონს: [[აფრიკა]]ში – [[ალჟირი|ალჟირსა]] და [[ტუნისი|ტუნისს]]; [[ევროპა]]სა და სამხრეთ-დასავლეთ ციმბირში – ობისა და ირტიშის სათავეებამდე, [[კავკასია]]ს, მცირე და შუა [[აზია]]ს და [[ყაზახეთი|ყაზახეთს]] – ჩრდილოეთით [[ფინეთი]]ს ყურემდე, სმოლენსკის, ტულის, ტამბოვის გასწვრივ, ურალის ქედზე 57-ე პარალელამდე, ჩანის ტბამდე და დასავლეთი ალტაის მთისწინეთებამდე; შორეულ აღმოსავლეთში – ამურიდან კუნძულ ტაივანამდე და წყნარი ოკეანის სანაპიროებიდან ამურისა და ჰუანჰეს სათავეებამდე; მთელ [[ავსტრალია]]ს და მალაის [[არქიპელაგი]]ს კუნძულებს. არის კიდევ რამდენიმე უფრო პატარა იზოლირებული ბუდობები შუა ციმბირში, ცეილონზე, [[ფილიპინები|ფილიპინებზე]], ტიგროსისა და ევფრატის დაბლობებზე და სხვაგან. ზამთრობს სამხრეთ [[აფრიკა]]ში, არაბეთის სამხრეთ ნაწილში და ინდოჩინეთში. საქართველოში ცნობილია, როგორც მობუდარი ფრინველი.<br /> <br /> ====ბიოტოპი==== <br /> ბინადრობს პატარა [[მდინარე]]ებისა და ტბორების, მდინარის ქვემო დინების ვრცელ ლიასა თუ ზღვების სანაპირო [[ლელქაში|ლელქაშში]], ბუჩქნარებში, ტყის ფრაგმენტებში. ვერტიკალურად ვრცელდება 2000 მ-მდე ზღვის დონიდან.<br /> <br /> ====გამრავლება==== <br /> ბუდეს აგებს მხოლოდ დედალი ლელქაშში, წყლისპირა ბუჩქნარებში, ზოგჯერ წყალსატევის მახლობელ [[ხე]]ზეც. ბუდე საგულდაგულოდაა დაწნული ნაირგვარი მცენარეული მასალისაგან და დამაგრებულია დატბორილი [[ლელი]]ს რამდენიმე ღეროზე ან ბუჩქზე მაისში დებს 3-6 კვერცხს. საინკუბაციო პერიოდი 14-15 დღეს გრძელდება. ივნისში ნაპოვნი ბუდობების მიხედვით მიაჩნიათ, რომ წელიწადში ორჯერ მრავლდება.<br /> <br /> ====კვება==== <br /> შაშვისებრი მეჩალიას საკვებს შეადგენენ ხოჭოები, [[ნემსიყლაპიები]], [[ბუზები]] და წყლის მახლობელი სხვა [[მწერები]], რომელთაც პოულობს ლელზე, ბუჩქებსა და ხეებზე.<br /> <br /> ====მნიშვნელობა==== <br /> მასობრივად ანადგურებს მავნე მწერებს, რითაც გარკვეული სარგებლობა მოაქვს სახალხო მეურნეობისათვის.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ასპუჭაკასებრნი]]<br /> [[კატეგორია:მეჩალია]]</div>

Echelidze