https://www.nplg.gov.ge/wikidict/index.php?action=history&feed=atom&title=%E1%83%A8%E1%83%94%E1%83%96%E1%83%9B%E1%83%A3 2026-04-28T07:19:22Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A8%E1%83%94%E1%83%96%E1%83%9B%E1%83%A3&diff=238702&oldid=prev 2024-11-14T21:47:16Z

<p>ახალი გვერდი: &#039;&#039;&#039;შეზმუ&#039;&#039;&#039; – (ეგვ. &#039;&#039;Šsmw&#039;&#039;), ღვინის და ზეთის საწნეხლის ღვთაება. გამოი...</p> <p><b>ახალი გვერდი</b></p><div>'''შეზმუ''' – (ეგვ. ''Šsmw''), ღვინის და ზეთის საწნეხლის ღვთაება. გამოისახებოდა ხან ანთროპომორფულად, ხან – [[ლომი (ეგვიპტურ მითოლოგიაში)|ლომი]]ს თავით, ან როგორც ლომი. სამშობლო, შესაძლოა, იყო [[მემფისი]], რადგან მოხსენიებულია [[ეგვიპტის ახალი სამეფო|ახალი სამეფო]]ს დროით დათარიღებულ მემფისური ღმერთების ჩამონათვალში. ჰქონდა ორგვაროვანი – „კეთილი“ და „საშიში“ ბუნება, რაც შესაძლოა სისხლის და ღვინის მსგავსებით იყო გამოწვეული. მაგრამ როგორც „საშიში“ ბუნების ღვთაება, ის მხოლოდ ცოდვილების და სიკეთის მოძულეთა წინააღმდეგ იქცეოდა. მისი ორგვაროვნება უკვე [[პირამიდების ტექსტები|პირამიდების ტექსტებში]] ჩანს. უძველეს, ე.წ. „კანიბალის“ გამონათქვამში, სადაც ფარაონი შთანთქავს ღმერთებს „ღვთაებრივი ძალის“ მოსაპოვებლად, შეზმუ ყასბად არის მოვლენილი. სხვა გამონათქვამში ფიგურირებს, როგორც [[ფარაონი|ფარაონთან]] ღვინის მიმტანი. ცოდვილებს შეზმუ განსასჯელ ქვაზე მიაჯაჭვებდა და მათ სულებს ანადგურებდა, როგორც [[ოსირისის სამსჯავრო]]ს მტანჯველი მსახური. რამესიდების პერიოდის პაპურუსების ნახატებზე ჩანს, თუ როგორ სრესს ის ცოდვილთა თავებს საწნახელში. <br /> <br /> გვიანდელი პერიოდიდან შეზმუ ძირითადად ზეთების და მალამოების მწარმოებელი და გამანაწილებელია, რომელიც ამარაგებს ღმერთებსაც და გარდაცვლილებსაც და თანდათან [[მუმია|მუმიის]] დამცველი ღვთაებაც ხდება, რომელიც მუმიაზე ზრუნავს და ღამის მეთორმეტე საათზე ბატონობს. ერთ XXI დინასტიის სარკოფაგზე (დღეს ბრიტანეთის მუზეუმშია) მოხსენიებულია, როგორც უმაღლესი ხარისხის ზეთის მწარმოებელი [[რა]]სათვის; [[ედფუ]]ს და [[დენდერა]]ს ტაძრებში, სადაც შემორჩენილია საკუჭნაოს ოთახები, მას „პარფიუმერიის ოსტატს“ ეძახიან. შეზმუ იყო ასევე ვარსკვლავის ღვთაება, შუა სამეფოს დროიდან ერთ-ერთი დეკანიც ხდება. უკვე პირამიდების ტექსტებში მას საკუთარი [[ბარკა]] ჰქონდა, რომლითაც გარდაცვლილები ზეცის ერთ-ერთ ნაწილში გადაჰყავდა.<br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:ეგვიპტური მითები]]<br /> [[კატეგორია:ეგვიპტური ღვთაებანი]]</div>

Tkenchoshvili