https://www.nplg.gov.ge/wikidict/index.php?action=history&feed=atom&title=%E1%83%A8%E1%83%98%E1%83%A8%E1%83%98 2026-04-25T12:06:08Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A8%E1%83%98%E1%83%A8%E1%83%98&diff=192981&oldid=prev 2023-05-16T12:35:59Z

<p>ახალი გვერდი: &#039;&#039;&#039;შიში&#039;&#039;&#039; – ფსიქოლოგიაში შიში განიხილება როგორც რეალური ან წა...</p> <p><b>ახალი გვერდი</b></p><div>'''შიში''' – ფსიქოლოგიაში შიში განიხილება როგორც რეალური ან წარმოსახვითი საფრთხიდან აღმოცენებული უარყოფითი ემოცია. ასეთი საფრთხეებია: სიკვდილი, პიროვნული გაუფასურება, ინდივიდის მიერ აღიარებულ ფასეულობათა მსხვრევა (იდეალების, მიზნების, პრინციპების და ა.შ.).<br /> <br /> შიში ეგზისტენციალიზმის ერთ-ერთი ძირითადი საკვლევი მოვლენაა. ს. კიერკეგორმა მკვეთრად გამიჯნა ჩვეულებრივი, ემპირიული შიში-სიფრთხილე, აღძრული კონკრეტული საკითხით ან ვითარებით, მეტაფიზიკური, ანგარიშმიუცემელი შიშისაგან, რომელიც გაპირობებულია იმით, რომ ადამიანი მოკვდავია და იცის ამის შესახებ. მ. ჰაიდეგერის მიხედვით, შიში ეგზისტენციას უმხელს თავის ბოლო შესაძლებლობას – სიკვდილს. [[სარტრი ჟან-პოლ|ჟ. პ. სარტრთან]] მეტაფიზიკური ეგზისტენციალური შიში განმარტებულია როგორც მეობის დაკარგვის მოლოდინი.<br /> <br /> ადრეული ფსიქოანალიზი ასევე განასხვავებ და გარე საფრთხით გამოწვეულ რაციონალურ შიშს, და სიღრმისეულ, ირაციონალურ შიშს, რომლის წარმომშობად მიიჩნევდა განუხორციელებელ ცხოვრებრივ სწრაფვებს, დათრგუნვილ სურვილებს.<br /> <br /> ნეოფროიდიზმს შიში მიაჩნია საერთო ირაციონალურ მდგომარეობად, რაც კიდევ უფრო გაღრმავებულია ცივილიზაციით და ტექნიკური პროგრესით.<br /> <br /> მრავალი თეორიის მიხედვით, შიში სახელდება რელიგიის წარმომშობ მიზეზად (დემოკრიტე, ლუკრეციუსი, იუმი, გოლბახი, ფოიერბახი და სხვ.) <br /> <br /> თეატრალურ ხელოვნებაში შიშის ფაქტორს უდიდესი მნიშვნელობა მიანიჭა [[არისტოტელე]]მ, რომლის აზრით, [[ტრაგედია|ტრაგედიის]] მიერ აღძრული შიში, თანატანჯვასთან ერთად, წმენდს ადამიანს „მსგავსი აფექტებისაგან“ ([[კათარსისი]]).<br /> <br /> <br /> ==წყარო==<br /> [[მსოფლიო თეატრის ენციკლოპედიური ლექსიკონი]]<br /> [[კატეგორია:ფსიქოლოგიური ტერმინები]]<br /> [[კატეგორია:ემოციები]]</div>

Tkenchoshvili