https://www.nplg.gov.ge/wikidict/index.php?action=history&feed=atom&title=%E1%83%A8%E1%83%A3_%28%E1%83%A6%E1%83%95%E1%83%97%E1%83%94%E1%83%91%E1%83%90%29 2026-04-30T06:54:05Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A8%E1%83%A3_(%E1%83%A6%E1%83%95%E1%83%97%E1%83%94%E1%83%91%E1%83%90)&diff=238720&oldid=prev 2024-11-15T09:07:09Z

<p>ახალი გვერდი: &#039;&#039;&#039;შუ&#039;&#039;&#039; – (ეგვ. &#039;&#039;Šw&#039;&#039;, ბერძნები ეძახდნენ Sos. „šw“ ეგვიპტურად ნიშნავს ა...</p> <p><b>ახალი გვერდი</b></p><div>'''შუ''' – (ეგვ. ''Šw'', ბერძნები ეძახდნენ Sos. „šw“ ეგვიპტურად ნიშნავს ასევე „ცარიელს“, „სიცარიელეს“). უძველესი კოსმიური ანთროპომორფული ღვთაება, ჰელიოპოლისის კოსმოგონიის წევრი. <br /> <br /> ტურინის მეფეთა პაპირუსში შუ დასახელებულია მესამე მეფედ ([[პტახი]]ს და [[რა]]ს შემდეგ) ეგვიპტის უძველეს, „ღმერთების“ დინასტიაში. ჰელიოპოლისის კოსმოგონიაში შუ თავის დასთან და მეუღლესთან, [[ტეფნუტი|ტეფნუტთან]] ერთად წარმოადგენენ ღმერთების პირველ წყვილს, რომლებიც [[დემიურგი|დემიურგმა]] ([[ატუმი|ატუმმა]]) პირველყოფილი ქაოსიდან გამოყოფის შემდეგ შექმნა. უპირველესად შუ ჰაერის ღვთაებაა და ღრუბლები და ნისლი მის ძვლებად ითვლებოდა. მას შემდაგ, რაც მან და ტეფნუტმა გააჩინეს [[გები]] (მიწა) და [[ნუტი]] (ზეცა), შუმ შეავსო სივრცე მათ შორის და ნუტის სხეული ხელებით დაიჭირა. მისი ამ ფუნქციის გამო ბერძნებმა შუ [[ჰერაკლე]]სთან გააიგივეს. როცა ჰელიოპოლისის კოსმოგონიის დემიურგის ადგილს რა (ან რა-ატუმი) იკავებს, შუ ავტომატურად „რას შვილი“ ხდება. ამ ცვლილებების შედეგად შუს არსება „სინათლის“ და „მზის“ თვისებებსაც იძენს (აღსანიშნავია, რომ შუა სამეფოს დროიდან სიტყვა „šw“ უკვე „მზეს“ და „სინათლესაც“ ნიშნავს). <br /> <br /> [[ქურუმები]]ს შემდეგი სპეკულაციის წყალობით შუ იკავებს გების ადგილს, რომელიც, ძველი წარმოდგენების თანახმად, ჰელიოპოლისის ღმერთების ბატონი იყო. [[პირამიდების ტექსტები]] გვამცნობს, რომ „რას შვილს ზეცა უჭირავს, მიწას მართავს და ღმერთებს წინამძღოლობს“. სოლარულ ღვთაებასთან შუს ასეთი დაახლოების შედეგად [[შუ და თეფნუთი|შუ და ტეფნუტი]] „[[მზის თვალი]]“ და „[[მთვარის თვალი]]“ გახდნენ. როგორც მზის თვალი, შუ ეხმარება თოტს გამქრალი მთვარის დაბრუნებაში და ზეცაში აჰყავს ის. შუ, როგორც რას ვაჟიშვილი, მონაწილეობს რას მტრების განადგურებაში მისი ღამით მიწისქვეშეთში მგზავრობის დროს. შუ განგმირავს [[აპოპი]]ს და ტეფნუტის მხურვალე სუნთქვით, რომელიც [[გველი]]ს [[დიადემა|დიადემის]] სახით შუს თავზე ზის, წვავს მამის მტრებს. ამ მებრძოლი სულისკვეთების წყალობით შუ და ტეფნუტი [[ლეონტოპოლისი]]ს ლომების წყვილთან – [[რუტი]]სთან გააიგივეს, თუმცა ლომების იკონოგრაფიით ძალიან იშვიათად არიან წარმოდგენილი. ყველაზე მძაფრად შუს სოლარული ბუნება [[ეხნატონის რეფორმა|ეხნატონის რეფორმის]] დროს გამოიკვეთა, როცა მან თავის ღმერთს დაარქვა „რა-ხორახტი, რომელიც ზეიმობს ნათელში, თავისი სახელით „შუ“, რომელიც არის „ატონი“.<br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:ეგვიპტური ღვთაებანი]]</div>

Tkenchoshvili