https://www.nplg.gov.ge/wikidict/index.php?action=history&feed=atom&title=%E1%83%A9%E1%83%95%E1%83%94%E1%83%A3%E1%83%9A%E1%83%94%E1%83%91%E1%83%A0%E1%83%98%E1%83%95%E1%83%98_%E1%83%91%E1%83%9D%E1%83%9A%E1%83%9D%E1%83%AA%E1%83%94%E1%83%AA%E1%83%AE%E1%83%9A%E1%83%90 2026-06-29T17:40:44Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A9%E1%83%95%E1%83%94%E1%83%A3%E1%83%9A%E1%83%94%E1%83%91%E1%83%A0%E1%83%98%E1%83%95%E1%83%98_%E1%83%91%E1%83%9D%E1%83%9A%E1%83%9D%E1%83%AA%E1%83%94%E1%83%AA%E1%83%AE%E1%83%9A%E1%83%90&diff=248624&oldid=prev 2025-05-27T12:24:48Z

<p>ახალი გვერდი: &#039;&#039;&#039;ჩვეულებრივი ბოლოცეცხლა&#039;&#039;&#039; (&#039;&#039;ლათ&#039;&#039;. Phoenicurus phoenicurus Linnaeus, 1758) − ფრინველი [[...</p> <p><b>ახალი გვერდი</b></p><div>'''ჩვეულებრივი ბოლოცეცხლა''' (''ლათ''. Phoenicurus phoenicurus Linnaeus, 1758) − ფრინველი [[ბეღურასნაირნი|ბეღურასნაირთა]] რიგიდან. <br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[შაშვისებრნი]] (Turdidae)<br /> * გვარი − [[ბოლოცეცხლა]] (Phoenicurus)<br /> ჩვეულებრივი ბოლოცეცხლა პატარა ზომის ფრინველია, ფრთა 70-85 მმ-ია, კუდი – 50-65 მმ, [[ნისკარტი (ფრინველის)|ნისკარტი]] – 10-12 მმ, წონა – 14-20 გ. მამალი დიდია დედალზე. შეფერილობაშიც სქესობრივი დიმორფიზმი მკვეთრადაა გამოხატული.<br /> <br /> მამალს ყელი, ჩიჩახვი, თავის გვერდები და ზოლი ნისკარტის ზემოთ შავი აქვს; შუბლი, წარბები და თხემის წინა ნაწილი − თეთრი; თავის დანარჩენი ნაწილი და ზურგი ნაცრისფერ-[[რუხი (ფერი)|რუხი]]ა; მომქნევები და საჭის ბუმბულების შუა წყვილი მურა ფერისაა, ხოლო საჭის დანარჩენი ბუმბულები, კუდის ზემო მფარავები, მკერდი და მუცელი მკვეთრი ქარცი, ფეხები და ნისკარტი – შავი. დედალს თავი ზემოდან, ზურგი, მომქნევები და საჭის შუა ბუმბულები მურა ფერის აქვს; კუდზედა და საჭის დანარჩენი ბუმბულები – მკვეთრი ქარცი. სხეულის ქვემო მხარე მორუხოა, მოქარცისფრო ელფერით. ფეხები<br /> მუქი მურა აქვს, ნისკარტი – შავი. გარდა შეფერილობისა, ჩვეულებრივი ბოლოცეცხლას ერთ-ერთი სისტემატიკური ნიშანია გარეთა მარაოების შევიწროება მე-3, მე-4 და მე-5 პირველი რიგის მომქნევებზე.<br /> <br /> აღწერილია 3 ქვესახეობა. [[საქართველო]]ში მოიპოვება ირანული ჩვეულებრივი ბოლოცეცხლა – Ph. ph. samamisicus Hablizl, 1783 − ზურგზე უფრო მუქი, ზოგჯერ შავი, ფრთებზე თეთრი ლაქებით. გვხვდება ევროპული ჩვეულებრივი ბოლოცეცხლაც Ph. ph. phoenicurus Linn., 1758.<br /> <br /> ====გავრცელება==== <br /> სახეობის ბუდობის არეალი მოიცავს მთელ [[ევროპა]]ს, გარდა უკიდურესი ჩრდილოეთი ნაწილისა (ტყის ზონის იქეთ), ხმელთაშუა ზღვის კუნძულებისა ([[კვიპროსი|კვიპროსზე]] არის), სამხრეთი [[იტალია|იტალიისა]] და [[საბერძნეთი]]სა. ევროპიდან არეალი გადადის დასავლეთ ციმბირში – აღმოსავლეთით ბაიკალის ტბამდე, ხოლო ჩრდილოეთისა და სამხრეთის საზღვრები ემთხვევა ტაიგის საზღვრებს. იზოლირებული ხასიათისაა გავრცელება მცირე [[აზია]]ში, [[კავკასია]]ში, [[ირანი|ირანსა]] და შუა აზიის სამხრეთ რაიონებში. მოიპოვება აგრეთვე ჩრდილო-დასავლეთ [[აფრიკა]]ში. ზამთარს ატარებს ცენტრალურ აფრიკაში და სამხრეთ არაბეთში. საქართველოში ირანული ქვესახეობა მობუდარია, ხოლო ევროპული ქვესახეობის ეგზემპლარები გვხვდება მიმოფრენის პერიოდებში. <br /> <br /> ====ბიოტოპი==== <br /> ბინადრობს უპირატესად ფოთლოვანი, იშვიათად წიწვიანი ტყეების ფარგლებში, სადაც ეტანება გამეჩხერებულ ნაკვეთებს, პატარა მინდვრებითა და ბუჩქნარებით. მოიპოვება ტყისპირებში, მთებში ბრეცილი ტყის ზონაში, საიდანაც ხშირად ადის სუბალპურ მდელოებზეც.<br /> <br /> ====გამრავლება==== <br /> ბუდობს ცალკეულ წყვილებად ხის ფუღუროებში, შეშის ან ქვების გროვებში, [[სახლი|სახლების]] [[სხვენი|სხვენში]], [[სახურავი|სახურავების]] ქვეშ, სადაც არის სიღრუე ან მცირე მოცულობის სიცარიელე. წელიწადში მრავლდება ორჯერ. პირველად მაისის პირველ ნახევარში, ხოლო მეორედ ივნისის ბოლოს დებს მეტწილად 6 კვერცხს. კრუხად ჯდება მხოლოდ დედალი. საინკუბაციო პერიოდის ხანგრძლივობა 13-14 დღემდე აღწევს.<br /> <br /> ====კვება==== <br /> ჩვეულებრივი ბოლოცეცხლას საკვებს შეადგენენ [[ფეხსახსრიანები|ფეხსახსრიანთა]] წარმომადგენლები – ტკაცუნები და მათი [[ლარვა|ლარვები]], ბზუალები, ცხვირგრძელა ხოჭოები, მხედრები, ხერხიები, [[კოღოები]], ობობები და მრავალი სხვა.<br /> <br /> ====მნიშვნელობა==== <br /> მავნე [[მწერები]]ს მასობრივად განადგურებით დიდი სარგებლობა მოაქვს სახალხო მეურნეობისათვის.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:შაშვისებრნი]]<br /> [[კატეგორია:ბოლოცეცხლა]]</div>

Echelidze