https://www.nplg.gov.ge/wikidict/index.php?action=history&feed=atom&title=%E1%83%A9%E1%83%95%E1%83%94%E1%83%A3%E1%83%9A%E1%83%94%E1%83%91%E1%83%A0%E1%83%98%E1%83%95%E1%83%98_%E1%83%99%E1%83%90%E1%83%99%E1%83%90%E1%83%A9%E1%83%90 2026-05-06T23:58:36Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A9%E1%83%95%E1%83%94%E1%83%A3%E1%83%9A%E1%83%94%E1%83%91%E1%83%A0%E1%83%98%E1%83%95%E1%83%98_%E1%83%99%E1%83%90%E1%83%99%E1%83%90%E1%83%A9%E1%83%90&diff=241936&oldid=prev 2025-02-13T19:05:05Z

<p>ახალი გვერდი: &#039;&#039;&#039;ჩვეულებრივი კაკაჩა&#039;&#039;&#039; (ლათ. Buteo buteo innaeus, 1758) ფრინველი [[ქორისებრნი|ქ...</p> <p><b>ახალი გვერდი</b></p><div>'''ჩვეულებრივი კაკაჩა''' (ლათ. Buteo buteo innaeus, 1758) ფრინველი [[ქორისებრნი|ქორისებრთა]] ოჯახიდან. საშუალო სიდიდის მტაცებელი ფრინველია, ფრთა 340-435 მმ-ია, კუდი – 175-245 მმ, წონა – 800-1200 გ. დედალი დიდია მამალზე. შეფერილობაში სქესთა შორის განსხვავება არაა, მაგრამ დამახასიათებელია არა მარტო ასაკობრივი ვარიაციები, არამედ ნაირგვარი შეფერილობა ერთსა და იმავე ასაკშიც. ზრდასრული ფრინველი ზურგის მხარეს უფრო ხშირად (კავკასიური ფორმა) მურა ფერისაა, მაგრამ ბუმბულებს ქარცი არშიები აქვთ. მომქნევები მუქი მურაა, ზოგჯერ არამკვეთრი განივი ზოლებით, ხოლო შიგნითა მარაოების თითქმის ნახევარი [[თეთრი (ფერი)|თეთრი]]ა. საჭის ბუმბულები მორუხოა ან უფრო ხშირად — მოწითალო-ქარცი, მურა განივი ზოლებით. მუცლის მხარე შეიძლება იყოს მუქი ქარცი, ბაცი ქარცი ან ჟანგ-მიწისფერი, გასწვრივი მურა ზოლებით, რომლებიც მუცელზე ზოგჯერ (უფრო ხნიერებში) განივ სახეს ღებულობენ. [[ნისკარტი (ფრინველის)|ნისკარტი]] მოშავოა, ბრჭყალები — შავი, ხოლო ცვილანა და ფეხები [[ყვითელი (ფერი)|ყვითელი]].<br /> <br /> აღწერილია 10 ქვესახეობა. [[საქართველო]]ში მოიპოვება კავკასიური კაკაჩა – B. b. menetriesi Bogdanow, 1879.<br /> <br /> ====გავრცელება==== <br /> ბუდობის არეალი მოიცავს ტყისა და ტყე-ველის ზონებს [[ევროპა]]სა და [[აზია]]ში, დასავლეთით ბრიტანეთიდან და პირენეიდან, აღმოსავლეთით – [[იაპონია]]მდე. გავრცელების ჩრდილოეთი საზღვარია შოტლანდია, შუა სკანდინავია, არხანგელსკი, დასავლეთ ციმბირში მე-60, ხოლო იაკუტიაში — 63-ე პარალელები, ოხოტის ზღვის ნაპირებამდე. სამხრეთით — ხმელთაშუა ზღვის სანაპიროები ევროპის ქვეყნებში, [[კავკასია]], მცირე აზია, ჩრდილოეთი [[ირანი]], ჰიმალაი, ტიბეტი, დასავლეთი [[ჩინეთი]]. მოიპოვება აზორის, კანარისა და მწვანე კონცხის კუნძულებზეც. ზამთრობს [[აფრიკა|აფრიკის]] სამხრეთ ნაწილში, [[ინდოეთი|ინდოეთში]], ინდოჩინეთსა და ჩინეთში. კავკასიური ქვესახეობა, [[კავკასია|კავკასიის]] გარდა, მოიპოვება ყირიმში, ირანის ჩრდილოეთ ნაწილში და მცირე აზიაში. საქართველოში მობინადრეა.<br /> <br /> ====ბიოტოპი==== <br /> მთის ტყეების სარტყელი მის ზემო საზღვრამდე. საკვების საძებნელად ადის სუბალპურსა და ალპურ ზონებშიც, ხოლო არაბუდობის პერიოდში ჩამოდის ბარშიც.<br /> <br /> ====გამრავლება==== <br /> ბუდეს იკეთებს [[ხე]]ზე, უპირატესად ტყისპირებში. მარტის ბოლოს ან აპრილის დასაწყისში დებს 2-4 კვერცხს. კრუხად ჯდება უმეტესად დედალი. საინკუბაციო პერიოდი 28 დღემდე გრძელდება.<br /> <br /> ====კვება==== <br /> კაკაჩა პოლიფაგი ფრინველია, იკვებება მრავალგვარი ცხოველით, იჭერს ჩხიკვს და უფრო პატარა ფრინველებს (სტვენია, მწვანულა, სინეგოგა და სხვ.), ჭამს ხვლიკებს, ამფიბიებს, ნაირგვარ [[მწერი|მწერს]], მაგრამ საკვების ძირითად ნაწილს მაინც თაგვისებური მღრღნელები შეადგენენ.<br /> <br /> ====მნიშვნელობა==== <br /> თაგვისებური მღრღნელებისა და მავნე მწერების მასობრივად განადგურებით დიდი სარგებლობა მოაქვს სახალხო მეურნეობისათვის.<br /> <br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:შავარდნისნაირნი]]<br /> [[კატეგორია:ქორისებრნი]]</div>

Echelidze