https://www.nplg.gov.ge/wikidict/index.php?action=history&feed=atom&title=%E1%83%A9%E1%83%95%E1%83%94%E1%83%A3%E1%83%9A%E1%83%94%E1%83%91%E1%83%A0%E1%83%98%E1%83%95%E1%83%98_%E1%83%A6%E1%83%90%E1%83%9F%E1%83%9D 2026-05-04T14:33:38Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A9%E1%83%95%E1%83%94%E1%83%A3%E1%83%9A%E1%83%94%E1%83%91%E1%83%A0%E1%83%98%E1%83%95%E1%83%98_%E1%83%A6%E1%83%90%E1%83%9F%E1%83%9D&diff=247643&oldid=prev 2025-05-16T10:21:00Z

<p>ახალი გვერდი: &#039;&#039;&#039;ჩვეულებრივი ღაჟო&#039;&#039;&#039; (ლათ. Lanius cristatus Linnaeus, 1758) − ფრინველი [[ბეღურასნაი...</p> <p><b>ახალი გვერდი</b></p><div>'''ჩვეულებრივი ღაჟო''' (ლათ. Lanius cristatus Linnaeus, 1758) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ღაჟოსებრნი]] (Laniidae)<br /> * გვარი − [[ღაჟო]] (Lanius)<br /> ჩვეულებრივი ღაჟო პატარა ზომის ფრინველია, ფრთა 83-95 მმ-ია, კუდი – 75-82 მმ, [[ნისკარტი (ფრინველის)|ნისკარტი]] – 11-14 მმ, წონა – 25–35 გ. მამალი დიდია დედალზე. სქესობრივი დიმორფიზმი შეფერილობაშიც კარგადაა გამოხატული. დიდი ვარიაციებია ქვესახეობების შეფერილობაშიც. კავკასიური ქვესახეობის მამალი თავსა და კისრის ზემო მხარეს ნაცრისფერია; შუბლზე ვიწრო შავი ზოლია, იგი თვალებსა და ყურებზეც გადადის; ზურგის წინა ნაწილი, მხრები და ფრთების მფარავები ქარცია; წელი – მოქარცისფრო-[[რუხი (ფერი)|რუხი]], კუდზედა ბუმბულები – რუხი. მომქნევები მოშავო-მურაა; ფრთების დიდი და საშუალო მფარავები და მეორე რიგის უკანა მომქნევები ქარცია, მუქი ცენტრებით. საჭის შუა ბუმბულები მოშავოა. საჭის დანარჩენ ბუმბულებზე არის [[თეთრი (ფერი)|თეთრი]]ს მეტ-ნაკლები ნარევი. ყელი, კუდქვეშა და ფრთებისქვეშა ბუმბულები თეთრია, დანარჩენი მუცლის მხარე – თეთრი, მოვარდისფრო ელფერით. დედალი თავსა და კისერზე მორუხო-მურაა; ზურგზე ქარცი ფერი, მამალთან შედარებით, ნაკლებად მკვეთრია; წელი მორუხო-მურაა, კუდზედა ბუმბულები ქარცია, მუქი განივი ზოლებით; საჭის შუა წყვილი მოქარცისფრო-მურაა. თეთრი ფერი კიდურა ბუმბულებზეც კი უმნიშვნელოა. ყურების მფარავები მუქი მურაა. მუცლის მხარე მოთეთროა, მუქი განივი ტალღისებური ზოლებით − კისრის გვერდებზე, ჩიჩახვზე, მკერდსა და სხეულის გვერდებზე. ნისკარტი და ფეხები შავი აქვთ.<br /> <br /> აღწერილია 10-ზე მეტი ქვესახეობა. [[საქართველო]]ში მოიპოვება კავკასიური ჩვეულებრივი ღაჟო – L. c. kobylini Buturlin, 1906.<br /> <br /> ====გავრცელება==== <br /> სახეობის ბუდობის არეალი მოიცავს [[ევროპა|ევროპისა]] და [[აზია|აზიის]] უმეტეს ნაწილს: [[დასავლეთი]]თ – სამხრეთ [[დიდი ბრიტანეთი|ბრიტანეთსა]] და [[საფრანგეთი|საფრანგეთს]] (არაა [[ესპანეთი|ესპანეთსა]] და [[პორტუგალია]]ში); [[ჩრდილოეთი]]თ – მე-60 და 64-ე პარალელებამდე – ევროპაში და 66-ე პარალელამდე, კოლიმამდე და ანადირამდე − აზიაში; [[სამხრეთი]]თ – მთელ ევროპაში, მცირე აზიაში, [[კავკასია]]ში, [[სირია]]ში, ჩრდილოეთ [[ირანი|ირანში]], შუა აზიაში, [[მონღოლეთი|მონგოლეთსა]] და მანჯურიაში; [[აღმოსავლეთი]]თ – კამჩატკაზე, კურილისა და [[იაპონია|იაპონიის]] კუნძულებზე. ზამთარს ატარებს სამხრეთ და აღმოსავლეთ [[აფრიკა]]ში, არაბეთში, სამხრეთ აზიაში და ინდო-ავსტრალიის კუნძულებზე. საქართველოში მოიპოვება ყველგან, როგორც მობუდარი ფრინველი.<br /> <br /> ====ბიოტოპი==== <br /> ტიპობრივი ადგილსამყოფელია ბუჩქნარიანი მინდვრები და მდელოები, ტყისპირები, ბაღები და პარკები, ბალახნარიანი და ქვა-ღორღიანი ნაკვეთები, ხმელტოტებიანი ბუჩქებით.<br /> <br /> ====გამრავლება==== <br /> ბუდეს აგებს, უპირატესად მამალი, [[ხე]]ზე, ბუჩქზე, ბალახისა და სხვა მცენარეული მასალისაგან. მაისის პირველ ნახევარში დებს 5-6 კვერცხს. კრუხად ჯდება მხოლოდ დედალი, ხოლო მამალი ამ დროს კვებავს დედალს და შემდეგ ბარტყებსაც. საინკუბაციო პერიოდი 14 დღეს გრძელდება.<br /> <br /> ====კვება==== <br /> ჩვეულებრივი ღაჟოს ძირითადი საკვებია ნაირგვარი დიდი ზომის [[მწერები]], აგრეთვე პატარა ზომის ხერხემლიანები – თაგვისებური მღრღნელები, ხვლიკები, ამფიბიები, პატარა ფრინველები და მათი ბარტყები.<br /> <br /> ====მნიშვნელობა==== <br /> მწერებისა და მღრღნელების განადგურებით გარკვეული სარგებლობა მოაქვს სახალხო მეურნეობისათვის. ჩვეულებრივ ღაჟოს წვრთნიან [[მიმინო]]ს მისატყუებლად და დასაჭერად.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ღაჟოსებრნი]]<br /> [[კატეგორია:ღაჟო]]</div>

Echelidze