https://www.nplg.gov.ge/wikidict/index.php?action=history&feed=atom&title=%E1%83%A9%E1%83%95%E1%83%94%E1%83%A3%E1%83%9A%E1%83%94%E1%83%91%E1%83%A0%E1%83%98%E1%83%95%E1%83%98_%E1%83%AD%E1%83%A0%E1%83%98%E1%83%AD%E1%83%98%E1%83%9C%E1%83%90-%E1%83%9B%E1%83%94%E1%83%A9%E1%83%90%E1%83%9A%E1%83%98%E1%83%90 2026-06-10T06:47:54Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A9%E1%83%95%E1%83%94%E1%83%A3%E1%83%9A%E1%83%94%E1%83%91%E1%83%A0%E1%83%98%E1%83%95%E1%83%98_%E1%83%AD%E1%83%A0%E1%83%98%E1%83%AD%E1%83%98%E1%83%9C%E1%83%90-%E1%83%9B%E1%83%94%E1%83%A9%E1%83%90%E1%83%9A%E1%83%98%E1%83%90&diff=248700&oldid=prev 2025-05-29T11:21:25Z

<p>ახალი გვერდი: &#039;&#039;&#039;ჩვეულებრივი ჭრიჭინა-მეჩალია&#039;&#039;&#039; (ლათ. Locustella naevia Boddaert, 1783) − ფრინველი...</p> <p><b>ახალი გვერდი</b></p><div>'''ჩვეულებრივი ჭრიჭინა-მეჩალია''' (ლათ. Locustella naevia Boddaert, 1783) − ფრინველი ბეღურასნაირთა რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ასპუჭაკასებრნი]] (Sylviidae)<br /> * გვარი − [[ჭრიჭინა-მეჩალია]] (Locustella)<br /> ჩვეულებრივი ჭრიჭინა-მეჩალია პატარა ზომის ფრინველია, ფრთა 50-65 მმ-ია, კუდი – 40-60 მმ, ნისკარტი ნესტოების წინა კიდეებიდან – 8-10 მმ, წონა – 10- 15 გ. სქესობრივი დიმორფიზმი სიდიდესა და შეფერილობაში შეუმჩნეველია. ზრდასრული ფრინველი ზემო მხრიდან მურა-წენგოსფერია, მაგრამ ყოველ ბუმბულზე ღერძულა მუქი მურა ლაქაა, განსაკუთრებით ზურგსა და თავზე. წარბებს ზემოთ ღია ფერის ზოლები ძლივს შესამჩნევია. მომქნევები და საჭის ბუმბულები მუქი მურაა. მომქნევების გარეთა მარაოებზე წენგოსფერ-მურა არშიებია, ხოლო საჭის ბუმბულებს წვეროები ღია ფერის აქვთ. მუცლის მხარე ღია მოთიხისფროა, მაგრამ ყელსა და მუცელზე მოთეთროა, ხოლო მკერდზე ზოგჯერ შეიმჩნევა მუქი მურა წინწკლები. კუდის ქვემო მფარავებზე მუქი მურა გასწვრივი ლაქებია. ფრთის ქვემო მფარავები მკრთალი ჟანგმიწისფერი ან მოთეთროა. ნისკარტი მუქი მურაა, ფეხები – ხორცისფერ-მოყვითალო.<br /> <br /> აღწერილია 3 ქვესახეობა. [[საქართველო]]ში მოიპოვება დასავლური ჩვეულებრივი ჭრიჭინა-მეჩალია – L. n. naevia Bodd., 1783. <br /> <br /> ====გავრცელება==== <br /> სახეობის ბუდობის არეალი მოიცავს [[ევროპა|ევროპისა]] და დასავლეთი ციმბირის დიდ ნაწილს – აღმოსავლეთი [[ესპანეთი]]დან და [[დიდი ბრიტანეთი|ბრიტანეთის]] კუნძულებიდან, ალტაის მთებამდე და მინუსინსკის ქვაბულამდე. [[ჩრდილოეთი]]თ ვრცელდება დაახლოებით მე-60 პარალელამდე, ხოლო [[სამხრეთი]]თ საზღვარი გაივლის ჩრდილოეთი ესპანეთიდან, ხმელთაშუა ზღვის ნაპირებით, [[იტალია|იტალიის]] ჩრდილოეთ ნაწილში, ბალკანეთში, მდ. ბუგის ქვემო დინებაზე, ყირიმში, უხვევს დონის ზემო დინებისაკენ, შემდეგ ეშვება ურალსკამდე, გადადის სირ-დარიის დაბლობზე და მიდის ჩრდილოეთ ტიანშანამდე, ზაისანის ქვაბულამდე, სამხრეთ ალტაიმდე და მინუსინსკის ქვაბულამდე. [[კავკასია]]ში არის იზოლირებული არეალი. ზამთრობს სამხრეთ [[ევროპა]]ში (პირენეის, აპენინის, ბალკანეთის ნახევარკუნძულებზე), ჩრდილო-დასავლეთ [[აფრიკა]]ში და დასავლეთ [[ინდოეთი|ინდოეთში]]. საქართველოში ცნობილია, როგორც მობუდარი ფრინველი.<br /> <br /> ====ბიოტოპი==== <br /> ბუდობის დროს ირჩევს ტყის ზონაში ტენიან მაღალ ბალახნარებსა და მდელოებს, მეჩხერი ბუჩქნარებით, [[ჭაობი|ჭაობებს]] – დაბალი ბუჩქებითა და მაღალი ბალახებით ან ტენიან ფოთლოვან, განსაკუთრებით კი წიწვიან დაბალმოზარდ ტყეს (ახალგაზრდა ტყეს).<br /> <br /> ====გამრავლება==== <br /> ბუდეს იკეთებს დაბალ ბუჩქნარებში, მაღალ ბალახნარებში, ლელიანში ან ლერწმიანებში, მიწაზე პატარა ჩაღრმავებაში. მაისის მეორე ნახევარში დებს 3-7 კვერცხს. არის ცნობები ზოგან ივლისში მეორე ბუდობის შესახებაც. საინკუბაციო პერიოდი 13-15 დღემდე გრძელდება.<br /> <br /> ====კვება==== <br /> ჭრიჭინა-მეჩალიას საკვებს შეადგენენ პატარა ზომის [[მწერები]], მათი [[ლარვა|ლარვები]] და [[ჭუპრი|ჭუპრები]], აგრეთვე ობობები.<br /> <br /> ====მნიშვნელობა==== <br /> კვების ხასიათის მიხედვით სასარგებლო ფრინველია.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ასპუჭაკასებრნი]]<br /> [[კატეგორია:ჭრიჭინა-მეჩალია]]</div>

Echelidze