https://www.nplg.gov.ge/wikidict/index.php?action=history&feed=atom&title=%E1%83%A9%E1%83%98%E1%83%91%E1%83%A3%E1%83%AE%E1%83%94%E1%83%9A%E1%83%90 2026-06-15T05:08:12Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%A9%E1%83%98%E1%83%91%E1%83%A3%E1%83%AE%E1%83%94%E1%83%9A%E1%83%90&diff=243480&oldid=prev 2025-03-31T13:24:15Z

<p>ახალი გვერდი: &#039;&#039;&#039;ჩიბუხელა&#039;&#039;&#039; (&#039;&#039;ლათ&#039;&#039;. Lymnocryptes minima Brünnich, 1764) − ფრინველთა გვარი, ფრინველი [...</p> <p><b>ახალი გვერდი</b></p><div>'''ჩიბუხელა''' (''ლათ''. Lymnocryptes minima Brünnich, 1764) − ფრინველთა გვარი, ფრინველი [[მეჭვავიასნაირნი|მეჭვავიასნაირთა]] რიგიდან. ამ გვარიდან [[საქართველო]]ში მოიპოვება ერთი სახეობა − ჩიბუხელა<br /> * კლასი − ფრინველები (AVES)<br /> * რიგი − [[მეჭვავიასნაირნი]] (Charadrilformes)<br /> * ოჯახი − [[ჩიბუხასებრნი]] (Scolopacidae)<br /> * გვარი − ჩიბუხელა (Lymnocryptes)<br /> ჩიბუხელა შედარებით პატარა ზომისაა, ფრთა 100-115 მმ, გალო – 22-25 მმ, [[ნისკარტი (ფრინველის)|ნისკარტი]] – 38-40 მმ, წონა – 35-45 გ. მამალი დიდია დედალზე. სქესთა შორის შეფერილობაში განსხვავება შეუმჩნეველია. ზრდასრული ფრინველი თავსა და კეფაზე შავია, მოწაბლისფრო შტრიხებით. თავის გვერდებზე ფართო [[ჩალისფერი]] ზოლებია, ხოლო ამ ზოლების შუაში, თვალებს ზემოთ, შავი ზოლები გასდევს. ღია მოჩალისფრო შუბლის შუაშიც, ნისკარტიდან თხემისაკენ, ვიწრო შავი ზოლი მიემართება. ზურგისა და მხრის ბუმბულების გარეთა მარაოები შავია, მომწვანო მეტალური ელვარებით. იმავე<br /> ბუმბულების გარეთა მარაოები ჩალისფერია და ზურგის გვერდებზე გასწვრივ ნათელ ზოლებს წარმოქმნიან. ზურგის უკანა ნაწილი და კუდის ზემო მფარავები შავია, [[იისფერი]] ელვარებით. ყელი [[თეთრი (ფერი)|თეთრი]]ა. კისერზე, ჩიჩახვზე, მკერდსა და გვერდებზე არის მუქი, მოჟანგისფრო და თეთრი ფერებისაგან წარმოქმნილი სიჭრელე. მკერდის უკანა ნაწილი და მუცელი თეთრია, პირველი რიგის მომქნევები მორუხო-მურა, მეორე რიგის მომქნევებს აქვთ თეთრი მახვილი წვერები. ნისკარტი მუქი მურაა, შავი ხორკლიანი წვერით და ღია მოყვითალო ქედით. ფეხები მომწვანო მოყვითალო-მურაა.<br /> <br /> ====გავრცელება==== <br /> ბუდობის არეალი მოიცავს ტუნდრისა და ტაიგის ჩრდილოეთ ნაწილს [[ევროპა]]სა და [[აზია]]ში, სკანდინავიიდან მდ. კოლიმის ქვემო დინებამდე. [[ჩრდილოეთი]] საზღვარი გადის კოლის ნახევარკუნძულიდან, კანდალაკშის უბის სამხრეთ ნაპირზე, მოიცავს ტიმანის ტუნდრას, პეჩორის შუა დინებას, იამალს ნახოდკის რაიონში, კოლიმის ქვემო დინებას. [[სამხრეთი]]თ ვრცელდება [[ლატვია|ლატვიამდე]], ილმენის ტბამდე, კალინინისა და მოსკოვის ოლქებში, ბაშკირეთის ასსრ, ტიუმენის ოკრუგი და პოდკამენაიას ტუნგუსკამდე. ზამთრობს მცირე რაოდენობით [[ამიერკავკასია]]ში, ფერგანის ველზე, [[დიდი ბრიტანეთი|ბრიტანეთის]] კუნძულებზე. ზამთრობის ძირითადი რაიონია ჩრდილოეთი და აღმოსავლეთი [[აფრიკა]], [[ერაყი]], [[ინდოეთი]] და ინდოსტანი. საქართველოში მოიპოვება მხოლოდ მიმოფრენის დროს.<br /> <br /> ====ბიოტოპი==== <br /> ბინადრობს ღია, მცირებალახიან და ტალახიან [[ჭაობი|ჭაობებში]], ტბების შლამიან ნაპირებზე, შვიტათი, ისლითა და [[ლელი]]თ დაფარულ ჭაობებში. ბუდობისათვის ირჩევს უფრო მშრალ ადგილებს.<br /> <br /> ====გამრავლება==== <br /> ბუდეს იკეთებს მიწაზე, ჭაობის მშრალ კოლბოხზე. ბუდე ამოფენილია ხმელი ბალახით, ზოგჯერ [[ფოთოლი|ფოთლებითაც]]. მაისის ბოლოს ან ივნისის დასაწყისში დებს 4 კვერცხს. კრუხად ჯდება მხოლოდ დედალი. საინკუბაციო პერიოდი 24 დღეს გრძელდება.<br /> <br /> ====კვება==== <br /> ჩიბუხელას საკვებს შეადგენენ ნაირგვარი ჭიები, პატარა ზომის [[მწერები]], მათი მატლები, წვრილი [[მოლუსკები]], აგრეთვე მცენარეთა ნაწილები.<br /> <br /> ====მნიშვნელობა==== <br /> დიდი პრაქტიკული მნიშვნელობა არა აქვს.<br /> <br /> ==წყარო==<br /> *[[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ფრინველთა გვარი]]<br /> [[კატეგორია:მეჭვავიასნაირნი]]<br /> [[კატეგორია:ჩიბუხასებრნი]]<br /> [[კატეგორია:ჩიბუხელა]]</div>

Echelidze