https://www.nplg.gov.ge/wikidict/index.php?action=history&feed=atom&title=%E1%83%A9%E1%83%9D%E1%83%AE%E1%83%90%E1%83%A2%E1%83%90%E1%83%A3%E1%83%A0%E1%83%98ჩოხატაური - რედაქტირების ისტორია2026-04-29T13:41:11Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%A9%E1%83%9D%E1%83%AE%E1%83%90%E1%83%A2%E1%83%90%E1%83%A3%E1%83%A0%E1%83%98&diff=223481&oldid=prevTkenchoshvili: ახალი გვერდი: ჩოხატაური – (ძვ. ბირკნალა) რაიონული დაქვემდებარების დაბა და...2024-04-19T12:15:28Z<p>ახალი გვერდი: ჩოხატაური – (ძვ. ბირკნალა) რაიონული დაქვემდებარების დაბა და...</p>
<p><b>ახალი გვერდი</b></p><div>ჩოხატაური – (ძვ. ბირკნალა) რაიონული დაქვემდებარების დაბა დასავლეთ საქართველოში ([[გურია]]), გაშენებულია მდ. სუფსის მარჯვენა ნაპირზე, ზღვის დონიდან 150 მ.<br />
<br />
ადგილობრივი მოსახლეობა ამ ტოპონიმს ჩოხატოურს უწოდებს, -ოურ||-ოულ- [[სუფიქსი]]ანი [[ტოპონიმი|ტოპონიმები]] კი ძირითადად ანთროპონიმული წარმომავლობისანი არიან. ამდენად, საფიქრებელია, თავდაპირველად გვქონოდა ჩახატაურ-ი (||ჩახატ-ოურ-ი), საიდანაც დღევანდელი ჩოხატა-ურ-ი მიგვიღია.<br />
<br />
საყურადღებოა, რომ სოფელ დაბლაციხეში სათესი ადგილის სახელად დადასტურებულია ჩახატაურის ჭალა, რომელიც ი. სიხარულიძის მიერ ასე არის განმარტებული: „ძველი ჩახატაური“ (ჩხატარაშვილისოული). ამავე მკვლევარს ზემო [[აჭარა]]ში ჩაუწერია მიკროტოპონიმი ჩახათაური (||ჩახათავრი), რომელიც ამოსავლად კელავ და კვლავ ადამიანის საკუთარ სახელს ჩახათა (||ჩახატა) გვავარაუდებინებს. გუდამაყარში (დუშეთის რ) არის მთა, რომელსაც ჩახატაის მთა ეწოდება. იგი წარმოშობით ანთროპონიმულია. ძალზე საინტერესოა ის ფაქტიც, რომ გამოჩენილი ისტორიკოსი [[ბაქრაძე დიმიტრი|დ. ბაქრაძე]] ჩოხატაურს სწორედ ჩახატაურად იცნობს: „ოზურგეთიდან… მოჩანს ერთი მხრიდან ქართლ-იმერეთის ქედის ჩახატაურის განტოტება… ხოლო მის იქით, შორს მოჩანს კავკასიონის მთაგრეხილი“.<br />
<br />
ჩოხატაური, მაშასადამე, შეგვიძლია გავიაზროთ როგორც „ჩოხატას (ჩახატას) კუთვნილი მამული“. ტოპონიმ ჩოხატაურის ანთროპონიმული წარმომავლობა (ნახატარაშვილი – ჩაღატარაშვილი – ჩხატარაშვილი) სპეციალურ ლიტერატურაში რეალურ ფაქტად არის მიჩნეული.<br />
<br />
<br />
==წყარო==<br />
[[ქართულ ტოპონიმთა განმარტებით-ეტიმოლოგიური ლექსიკონი]]<br />
[[კატეგორია:დაბები საქართველოში]]<br />
[[კატეგორია:დაბები ჩოხატაურის მუნიციპალიტეტში]]<br />
[[კატეგორია:დაბები დასავლეთ საქართველოში]]<br />
[[კატეგორია:დაბები გურია]]</div>Tkenchoshvili