https://www.nplg.gov.ge/wikidict/index.php?action=history&feed=atom&title=%E1%83%AB%E1%83%90%E1%83%AE%E1%83%98%E1%83%9A%E1%83%98%E1%83%A1_%E1%83%9C%E1%83%98%E1%83%A8%E1%83%90%E1%83%9C%E1%83%98 2026-04-29T05:08:32Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AB%E1%83%90%E1%83%AE%E1%83%98%E1%83%9A%E1%83%98%E1%83%A1_%E1%83%9C%E1%83%98%E1%83%A8%E1%83%90%E1%83%9C%E1%83%98&diff=220871&oldid=prev 2024-03-17T20:42:35Z

<p>ახალი გვერდი: &#039;&#039;&#039;ძახილის ნიშანი (!)&#039;&#039;&#039; – სასვენი ნიშანი, რომელიც დაისმის ძახილი...</p> <p><b>ახალი გვერდი</b></p><div>'''ძახილის ნიშანი (!)''' – სასვენი ნიშანი, რომელიც დაისმის ძახილის ან ბრძანებითი წინადადების ბოლოს – სხვადასხვა გრძნობისა და ბრძანების ექსპრესიულად გამოსახატავად. მაგ., „რა კარგი ხარ, რა კარგი!./ როცა მოვკვდე, გენაცვა,/ ძეგლად გადამეფარე!“ ([[გრიშაშვილი იოსებ|ი. გრიშაშვილი]]).<br /> <br /> ძახილის ნიშანი გამოიყენება [[ლოცვა|ლოცვებში]]:უფალო, შემიწყალე! ამინ! <br /> <br /> დაისმის აგრეთვე ენობრივ ფორმულებში: მისალმება-გამომშვიდობებისას: გამარჯობა! სალამი! აქა მშვიდობა! მშვიდობით! გზა მშვიდობისა!<br /> <br /> მიპატიჟებისას: მობრძანდით! დაბრძანდით! მიირთვით! <br /> <br /> სამეცნიერო ლიტერატურასა და პრესაში უსიტყვო (უარყოფითი) კომენტარის აღსანიშნავად და მკითხველის ყურადღების გასამახვილებლად ძახილის ნიშანს ახლავს [[ფრჩხილები (პუნქტუაცია)|ფრჩხილებში]] ჩასმულ ლათინურ შემოკლებას (sic!).<br /> <br /> ძახილის ნიშანი ინტენსიურად გამოიყენება ფიცილის – ლოცვა-[[წყევლა|წყევლის]] ფორმულებში: ღმერთმა დაგლოცოს! ეშმაკმა დალახვროს! დასწყევლა ღმერთმა! ჯანდაბას შენი თავი და ტანი!<br /> <br /> გამაფრთხილებელ განცხადებებში: ფრთხილად! ჩუმად! მათ შორის. საერთაშორისო ფორმულებშიც (მაგ., SOS).<br /> <br /> სამხედრო და სპორტულ ბრძანება-განკარგულებებში: ცეცხლი! ხელები მაღლა! მარჯვნისაკენ! ზურგისაკენ! ნაბიჯით იარ! სდექ! სწორდი! სმენა! თავისუფლად!<br /> <br /> საზოგადოებრივ-პოლიტიკურ ლოზუნგებში: „ყველანი – არჩევნებზე“ „პოეზია – უპირველეს ყოვლისა! ყველა ამ სახის გამოთქმაში [[ზმნა]], ჩვეულებრივ, გამოტოვებულია და დარჩენილი ნაწილის (ერთი ან ორი [[სიტყვა|სიტყვის]]) ექსპრესიის გასაძლიერებლად გამოტოვებული ზმნის საკომპენსაციოდ ძახილის ნიშანი იხმარება.<br /> <br /> ძახილის ნიშანი დაისმის წინადადების თავში ცალკე მდგომი [[შორისდებული|შორისდებულების]], ან უარყოფითი არა [[ნაწილაკი]]ს შემდეგ:<br /> <br /> „არა! მხოლოდ დღეს შენ დაიბადე“ ([[ტაბიძე გალაკტიონ|გ. ტაბიძე]]).<br /> <br /> როგორც წესი, ძახილის ნიშანი ახლავს წინადადების თავში ცალკე მდგომ წოდებითში დასმულ სახელს (მიმართვის ფორმას): „მეგობრებო! წინ, წინ გასწით!“ ([[ევდოშვილი იროდიონ|ი. ევდოშვილი]]).<br /> <br /> თუკი შორისდებულს სახელის მიმართვის ფორმა მოსდევს, მაშინ შორისდებულთან მძიმე დაისმის,<br /> ძახილის ნიშანი კი მიმართვის ფორმის შემდეგ გადაინაცვლებს:<br /> <br /> „ვაშა, რაფიელ! უმრავლოს / მამულს შენებრი შვილი!“ (სოსელო); „ოხ, ღმერთო ჩემო! სულ ძილი, ძილი...“ ([[ჭავჭავაძე ილია|ი. ჭავჭავაძე]]).<br /> <br /> მიმართვის ფორმის გამეორების დროსაც ძახილის ნიშანი უკანასკნელი გამეორებული ფორმის შემდეგ დაისმის, წინამავალს კი მძიმე მოსდევს:<br /> <br /> ღმერთო, ღმერთო! ეს ხმა ტკბილი / გამაგონე ჩემს მამულში!&quot; (ი.ჭავჭავაძე). <br /> <br /> ''შ. აფრიდონიძე''<br /> <br /> <br /> <br /> ==წყარო==<br /> [[ქართული ენა: ენციკლოპედია]]<br /> [[კატეგორია:პუნქტუაცია]]<br /> [[კატეგორია:სასვენი ნიშნები]]</div>

Tkenchoshvili