https://www.nplg.gov.ge/wikidict/index.php?action=history&feed=atom&title=%E1%83%AC%E1%83%94%E1%83%A0%E1%83%9D%E1%83%A2%E1%83%A3%E1%83%A0%E1%83%A4%E1%83%94%E1%83%91%E1%83%98წეროტურფები - რედაქტირების ისტორია2026-04-30T03:46:09Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%AC%E1%83%94%E1%83%A0%E1%83%9D%E1%83%A2%E1%83%A3%E1%83%A0%E1%83%A4%E1%83%94%E1%83%91%E1%83%98&diff=242262&oldid=prevEchelidze: ახალი გვერდი: '''წეროტურფები''' (ლათ. Anthropoides) − ფრინველთა გვარი წეროსებრთა ოჯახ...2025-02-24T12:12:31Z<p>ახალი გვერდი: '''წეროტურფები''' (ლათ. Anthropoides) − ფრინველთა გვარი წეროსებრთა ოჯახ...</p>
<p><b>ახალი გვერდი</b></p><div>'''წეროტურფები''' (ლათ. Anthropoides) − ფრინველთა გვარი წეროსებრთა ოჯახისა წეროსნაირთა რიგიდან. ამ გვარიდან [[საქართველო]]ში მოიპოვება ერთი სახეობა − წეროტურფა (ლათ. Anthropoides virgo Linnaeus, 1758)<br />
* კლასი − ფრინველები (AVES)<br />
* რიგი − [[წეროსნაირნი]] (Gruiformes)<br />
* ოჯახი − [[წეროსებრნი]] (Grudae)<br />
* გვარი − წეროტურფები (Anthropoides) <br />
<br />
წეროტურფა დიდი ზომის ფრინველია, ფრთა 425-540 მმ-ია, გალო − 150-225 მმ, [[ნისკარტი (ფრინველის)|ნისკარტი]] − 60-75 მმ, წონა 60-75 მმ, წონა − 2000-2700 გ. სქესობრივი დიმორფიზმი სიდიდესა და შეფერილობაში არაა გამოხატული. ზრდასრული ფრინველის კისრის დიდი ნაწილი, სხეულის მთელი ზემო და ქვემო მხარე, ფრთებისა და კუდის ჩათვლით, ნაცარა-[[რუხი (ფერი)|რუხი]]ა; თავის გვერდები, ყელი, კისერი წინიდან და კეფა შავია; თვალებიდან ყურების გასწვრივ მიემართება [[თეთრი (ფერი)|თეთრი]] ზოლები, რომლებიც ბოლოვდებიან ძაფისებური წაგრძელებული თეთრი ბუმბულების კონებით. კისრის წინა მხარეს და ჩიჩახვზე არის წაგრძელებული შავი ბუმბულების კონა, რომელიც მკერდზეა ჩამოშვებული. პირველი რიგის მომქნევები მურა-შავია, ნაცარა ანარეკლით; მეორე რიგის მომქნევები ღია მურა ფერისაა, შავი ბოლოებით; ნისკარტი მორუხო-წენგოსფერია, ფეხები − შავი. ახალგაზრდა მოზრდილის მსგავსია, მხოლოდ თავის გვერდებზე გასდევს ოდნავ წაგრძელებული ბუმბულების რუხი (და არა თეთრი) ზოლები.<br />
<br />
აღწერილია 2 ქვესახეობა. საქართველოში მოიპოვება ჩვეულებრივი წეროტურფა — A. v. virgo Linn., 1758. <br />
<br />
====გავრცელება==== <br />
ბუდობს ჩრდილო-დასავლეთ და სამხრეთ [[აფრიკა]]ში, [[ესპანეთი]]ს სამხრეთ ნაწილში, შემდეგ მხოლოდ [[მოლდოვა|მოლდავეთში]], სამხრეთ [[უკრაინა]]ში, მათ შორის ყირიმში, ჩრდილო [[კავკასია|კავკასიისა]] და [[აზია|აზიის]] ველებსა და ნახევარუდაბნოებში. ზამთრობს სამხრეთ-აღმოსავლეთ აფრიკაში, [[პალესტინა]]სა და მესოპოტამიაში, სპარსეთის ყურის სანაპიროებზე, [[ინდოეთი|ინდოეთსა]] და [[ბირმა]]ში. საქართველოში მოიპოვება მხოლოდ მიმოფრენის პერიოდებში.<br />
<br />
====ბიოტოპი==== <br />
ბინადრობს ველებსა და ნახევარუდაბნოებში, ნაირბალახიან, ვაციწვერიან, ბუჩქნარიან, ქვა-ღორღიან ან მლაშობ ნაკვეთებზე.<br />
<br />
====გამრავლება==== <br />
[[მონოგამია|მონოგამიური]] ფრინველია. ბუდეს არ აკეთებს, არამედ 1-3 კვერცხს დებს პირდაპირ მიწაზე − მშრალ ადგილას, მაისის პირველ ნახევარში. კრუხად მორიგეობით ჯდება ორივე მშობელი. საინკუბაციო პერიოდის ხანგრძლივობა 28 დღეს აღწევს.<br />
<br />
====კვება====<br />
ძირითადად ფიტოფაგი ფრინველია, მაგრამ მათ შორის უპირატესად მომწიფებული მარცვლოვანების თავთავებს ეტანება. სხვა სეზონებში ჭამს მცენარეთა ვეგეტატიურ ნაწილებს, მცირე რაოდენობით აგრეთვე [[მწერები|მწერებსაც]].<br />
<br />
====მნიშვნელობა==== <br />
ზოგან მნიშვნელოვან ზიანს აყენებს თავთავიანი [[მარცვლოვანი კულტურები|მარცვლოვანების]] მოსავალს. მიუხედავად ამისა, მას იცავენ როგორც მცირერიცხოვან სახეობას. მცირერიცხოვნობის გამო მის მიერ მოტანილი ზიანიც დიდი არაა.<br />
<br />
<br />
==წყარო==<br />
*[[საქართველოს ფრინველების სარკვევი]]<br />
[[კატეგორია:ფრინველები]]<br />
[[კატეგორია:ფრინველთა გვარი]]<br />
[[კატეგორია:წეროსნაირნი]]<br />
[[კატეგორია:წეროსებრნი]]</div>Echelidze