https://www.nplg.gov.ge/wikidict/index.php?action=history&feed=atom&title=%E1%83%AC%E1%83%98%E1%83%AC%E1%83%99%E1%83%90%E1%83%9C%E1%83%90 2026-05-02T15:21:57Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AC%E1%83%98%E1%83%AC%E1%83%99%E1%83%90%E1%83%9C%E1%83%90&diff=248780&oldid=prev 2025-05-31T14:45:50Z

<p>ახალი გვერდი: &#039;&#039;&#039;წიწკანა&#039;&#039;&#039; (ლათ. Parus coeruleus Linnaeus, 1758) – ფრინველი [[ბეღურასნაირნი|ბეღურ...</p> <p><b>ახალი გვერდი</b></p><div>'''წიწკანა''' (ლათ. Parus coeruleus Linnaeus, 1758) – ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[წივწივასებრნი]] (Paridae)<br /> * გვარი − [[წივწივა]] (Parus)<br /> წიწკანა პატარა ზომის ფრინველია, ფრთა 60-70 მმ-ია, კუდი 45-55 მმ, [[ნისკარტი (ფრინველის)|ნისკარტი]] – 7-9 მმ, წონა – 10-12 გ. მამალი ოდნავ დიდია დედალზე. შეფერილობაში სქესთა შორის განსხვავება არაა. ზრდასრული ფრინველის საერთო შეფერილობაში [[ცისფერი]] ჭარბობს. თავი ზემოდან ლაჟვარდოვანი ცისფერია, მაგრამ შუბლი მოთეთროა, ხოლო კეფაზე [[თეთრი (ფერი)|თეთრი]] ზოლია შემოვლებული. პირის კუთხეებიდან თვალების გასწვრივ კეფისაკენ ვიწრო მოლურჯო-შავი ზოლი გადის. ასეთივე ფერისაა ყელი. ლოყები და ყურების მფარავები თეთრია, ზურგი მოწენგოსფრო-[[მწვანე (ფერი)|მწვანე]]. საჭის ბუმბულების შუა წყვილი, პირველი რიგის მომქნევებისა და საჭის ბუმბულების გარეთა მარაოები, აგრეთვე საჭის შუა წყვილი მთლიანად ცისფერია, ისევე როგორც მხრების ბუმბულები. მომქნევებისა და საჭის ბუმბულების შიგნითა მარაოები ღია მურა ფერისაა. ფრთების მფარავების თეთრი წვეროები ფრთაზე განივ თეთრ ზოლს წარმოქმნის. თეთრი წვეროები აქვთ მეორე რიგის მომქნევებსაც. მუცლის მხარე ღია მოყვითალოა, ნისკარტი და ფეხები მურა ფერისა.<br /> <br /> აღწერილია 15 ქვესახეობა. [[საქართველო]]ში მოიპოვება კავკასიური წიწკანა – P. c. satunini Sarudny, 1908. <br /> <br /> ====გავრცელება==== <br /> სახეობის არეალი მოიცავს თითქმის მთელ [[ევროპა]]ს, ბრიტანეთის კუნძულების ჩათვლით, [[ატლანტის ოკეანე|ატლანტის ოკეანი]]ს სანაპიროებიდან ურალის ქედამდე. [[ჩრდილოეთი]]თ – 64-ე და მე-60 პარალელებამდე; სამხრეთით – ჩრდილო-დასავლეთ [[აფრიკა]]ს ([[ალჟირი]], [[ტუნისი]], [[მაროკო]]) და კანარის კუნძულებს; მცირე [[აზია]]ს, [[ირანი|ირანს]], [[კავკასია]]სა და [[თურქმენეთი|თურქმენეთს]]. არეალის უმეტეს ნაწილში მობინადრეა, მაგრამ ჩრდილოეთ ნაწილში ეწევა მომთაბარეობას. საქართველოში მოიპოვება ყველგან როგორც მობინადრე ფრინველი.<br /> <br /> ====ბიოტოპი==== <br /> ბინადრობს მეტწილად ფოთლოვან ან შერეულ ტყეებში, პარკებსა და ბაღებში, ჭალებსა და ბუჩქნარებში.<br /> <br /> ====გამრავლება==== <br /> ბუდობს ჩვეულებრივად ფუღუროში. წელიწადში მრავლდება ორჯერ. პირველად აპრილის დასაწყისში, მეორედ კი მაისის ბოლოს, დებს 9-13 კვერცხს. კრუხად ჯდება მხოლოდ დედალი. საინკუბაციო პერიოდის ხანგრძლივობა 13-14 დღეს გრძელდება.<br /> <br /> ====კვება====<br /> წიწკანას ძირითად საკვებს შეადგენენ [[მწერები]], მათი კვერცხები და [[ლარვა|ლარვები]], ობობები. მცირე რაოდენობით ჭამს [[თესლი|თესლებსა]] და კენკრასაც.<br /> <br /> ====მნიშვნელობა==== <br /> დიდი რაოდენობით ანადგურებს ტყისა და ბაღების მავნებელ მწერებს, რითაც დიდი სარგებლობა მოაქვს სახალხო მეურნეობისათვის.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:წივწივასებრნი]]<br /> [[კატეგორია:წივწივა]]</div>

Echelidze