https://www.nplg.gov.ge/wikidict/index.php?action=history&feed=atom&title=%E1%83%AD%E1%83%90%E1%83%9D%E1%83%91%E1%83%98%E1%83%A1_%E1%83%9B%E1%83%94%E1%83%A9%E1%83%90%E1%83%9A%E1%83%98%E1%83%90 2026-04-28T23:57:28Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AD%E1%83%90%E1%83%9D%E1%83%91%E1%83%98%E1%83%A1_%E1%83%9B%E1%83%94%E1%83%A9%E1%83%90%E1%83%9A%E1%83%98%E1%83%90&diff=248728&oldid=prev 2025-05-29T12:20:12Z

<p>ახალი გვერდი: &#039;&#039;&#039;ჭაობის მეჩალია&#039;&#039;&#039; (ლათ. Acrocephalus palustris Bechstein, 1798) − ფრინველი [[ბეღურასნა...</p> <p><b>ახალი გვერდი</b></p><div>'''ჭაობის მეჩალია''' (ლათ. Acrocephalus palustris Bechstein, 1798) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[ასპუჭაკასებრნი]] (Sylviidae)<br /> * გვარი − [[მეჩალია]] (Acrocephalus)<br /> ჭაობის მეჩალია პატარა ზომის ფრინველია, ფრთა 60-72 მმ-ია, კუდი – 50-55 მმ, [[ნისკარტი (ფრინველის)|ნისკარტი]] – 10-13 მმ, წონა – 10-15 გ. სქესობრივი დიმორფიზმი სიდიდესა და შეფერილობაში შეუმჩნეველია. ზრდასრული ფრინველი ზურგის მხარეს წენგოსფერ-[[რუხი (ფერი)|რუხი]]ა. მომქნევები და საჭის ბუმბულები მურა-რქისფერი, მორუხო-წენგოსფერი არშიებით. წარბებზედა ვიწრო ზოლები მოთეთრო-[[ყვითელი (ფერი)|ყვითელია]]. ყელი [[თეთრი (ფერი)|თეთრია]]; დანარჩენი ქვემო მხარე მოთეთრო-ჟანგმიწისფერია, მოწენგოსფრო ელფერით სხეულის გვერდებზე. გაცვეთილ, ძველ ბუმბულსაფარველზე, ზურგის მხარეს, უფრო მეტად ჩანს მომწვანო-რუხი, ხოლო მუცლის მხარეს – მოთეთრო ელფერი. ახალ, შემოდგომის ბუმბულსაფარველზე, ზურგის მხარეს უფრო ინტენსიურია მოჟანგისფრო-ყვითელი, ხოლო მუცლის მხარეს – ჟანგმიწისფერი ელფერი. ნისკარტზედა მურა-რქისფერია, ნისკარტქვედა – მკრთალი მოყვითალო, ფეხები – რუხი. ამგვარად, სიდიდითა და შეფერილობით ძალიან ჰგავს [[ლელიანის მეჩალია]]ს, მაგრამ განსხვავდება ფრთის აგებულებით და პატარა ტერფით.<br /> <br /> ====გავრცელება==== <br /> ბუდობის არეალი მოიცავს [[ევროპა|ევროპის]] უმეტეს ნაწილს, [[კავკასია]]ს და ჩრდილოეთ [[ირანი|ირანს]]. გავრცელების საზღვრები ასეთია: [[ჩრდილოეთი]]თ – [[დიდი ბრიტანეთი|ბრიტანეთისა]] და შვეციის სამხრეთი ნაწილები, [[ფინეთი]]ს ყურე, ფსკოვი, კალინინი, იაროსლავლი, კოსტრომა, ყაზანი, უფა, ორენბურგი; [[აღმოსავლეთი]]თ – მდ. ილეკი და ურალი; [[სამხრეთი]]თ – სამხრეთ-აღმოსავლეთი [[საფრანგეთი]], ჩრდილოეთი [[იტალია]], [[ბულგარეთი]], ბესარაბია, დნესტრის ქვემო დინება, შავი ზღვის სანაპიროებით [[ამიერკავკასია]] და ჩრდილოეთი [[ირანი]]. ზამთრობს ჩრდილო-დასავლეთ და სამხრეთ [[აფრიკა]]ში. საქართველოში ცნობილია როგორც მობუდარი ფრინველი.<br /> <br /> ====ბიოტოპი==== <br /> ბინადრობს ნაირგვარ ბიოტოპში, მაგრამ მეტწილად გვხვდება [[ჭაობი|ჭაობიან]] ადგილებში, ბუჩქნარებში, წყლისპირა [[ლელქაში|ლელქაშში]], მაღალ ბალახნარებში, ბაღებში, პარკებსა და ყანებში. ვერტიკალურად ვრცელდება 2000 მ-მდე ზღვის დონიდან.<br /> <br /> ====გამრავლება==== <br /> ბუდობს ტყისპირებში, მეჩხერ ბუჩქნარებში, ტირიფნარებში, [[ასკილი]]ს ბუჩქების, [[ჭინჭარა|ჭინჭრის]], [[სვია]]სა და სხვა ბალახნარების ქვე-ტყით. ბუდეს წნავს დედალი ხმელი ბალახისა და სხვა მცენარეული მასალისაგან, რომელსაც ამაგრებს ბუჩქზე ან მსხვილი ბალახის ღეროზე. მაისის დასაწყისში დებს 3-6 კვერცხს. კრუხად ჯდება დედალი. საინკუბაციო პერიოდის ხანგრძლივობა 11-13 დღემდე აღწევს.<br /> <br /> ====კვება==== <br /> ჭაობის მეჩალიას საკვებს შეადგენენ პატარა ზომის [[მწერები]]. მათი კვერცხები და [[ლარვა|ლარვები]], აგრეთვე ობობები. შემოდგომით ჭამს კენკრასაც.<br /> <br /> ====მნიშვნელობა==== <br /> სასარგებლო მწერიჭამია ფრინველია. <br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:ასპუჭაკასებრნი]]<br /> [[კატეგორია:მეჩალია]]</div>

Echelidze