https://www.nplg.gov.ge/wikidict/index.php?action=history&feed=atom&title=%E1%83%AD%E1%83%95%E1%83%98%E1%83%9C%E1%83%A2%E1%83%90%E1%83%99%E1%83%90%E1%83%A1%E1%83%94%E1%83%91%E1%83%A0%E1%83%9C%E1%83%98ჭვინტაკასებრნი - რედაქტირების ისტორია2026-04-28T17:38:21Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%AD%E1%83%95%E1%83%98%E1%83%9C%E1%83%A2%E1%83%90%E1%83%99%E1%83%90%E1%83%A1%E1%83%94%E1%83%91%E1%83%A0%E1%83%9C%E1%83%98&diff=247974&oldid=prevEchelidze: ახალი გვერდი: '''ჭვინტაკასებრნი''' (ლათ. Prunellidae) − ფრინველთა ოჯახი [[ბეღურასნაირ...2025-05-19T10:03:43Z<p>ახალი გვერდი: '''ჭვინტაკასებრნი''' (ლათ. Prunellidae) − ფრინველთა ოჯახი [[ბეღურასნაირ...</p>
<p><b>ახალი გვერდი</b></p><div>'''ჭვინტაკასებრნი''' (ლათ. Prunellidae) − ფრინველთა ოჯახი [[ბეღურასნაირნი|ბეღურასნაირთა]] რიგიდან. ჭვინტაკასებრთა ოჯახში გაერთიანებულია პატარა ზომის ბეღურასნაირ ფრინველთა მცირე ჯგუფი, რომლებიც შემდეგი საერთო ნიშნებით ხასიათდებიან: [[ნისკარტი (ფრინველის)|ნისკარტი]] შედარებით მოკლე, სწორი და წვეროს ნაწილში წვრილია, ხოლო ძირში – გაფართოებული; ნისკარტზედას ქედი რამდენადმე შებრტყელებული და მომრგვალებულია. ნესტოები განლაგებულია ნისკარტზედას ძირში და დაფარულია კანის ნაკეცით. ფრთები შედარებით მოკლეა და მომრგვალებული; პირველი რიგის მომქნევი 10-ია. მათ შორის პირველი რუდიმენტულია და მხოლოდ მტევნის მფარავებამდე აღწევს; ყველაზე გრძელია მე-3, მე-4 და მე-5 მომქნევები. კუდი ჩვეულებრივად ფრთაზე მოკლეა, ბოლოში პირდაპირაა მოკვეთილი ან მცირედ ამოკვეთილია, შედგება საჭის 12 ბუმბულისაგან. გალო შედარებით მოკლეა, წინიდან დაფარულია დიდი განივი ფარებით, ხოლო უკანიდან − გასწვრივი ფირფიტებით. ბუმბულსაფარველი საკმაოდ სქელი, მჭიდრო და რბილია. შეფერილობა არამკვეთრია. სქესობრივი დიმორფიზმი შეფერილობაში არაა ან ზოგიერთ სახეობაში მხოლოდ ოდნავაა გამოხატული.<br />
<br />
ჭვინტაკასებრთა უმრავლესობა ბინადრობს მთის ფერდობების ტყეებსა და ბუჩქნარებში. ზოგიერთი სახეობა მოიპოვება სუბალპურ და ალპურ მდელოებსა და კლდოვან ნაკვეთებზეც. ეწევიან შედარებით ფარულ ცხოვრებას.<br />
<br />
მრავლდებიან [[მონოგამია|მონოგამიურად]]. აკეთებენ ღია, ჯამის ფორმის ბუდეს − ბუჩქებზე, [[ხე]]ების ქვემო ტოტებზე, კლდეთა ნაპრალებში, ზოგჯერ მიწაზეც. დებენ ჩვეულებრივად 4-5 კვერცხს. კრუხად სხდებიან მხოლოდ დედლები. ბარტყებს კვებავენ ორივე სქესის ფრინველები. ზოგიერთი სახეობის ფრინველი წელიწადში 2-ჯერ გამრავლებას ასწრებს.<br />
<br />
იკვებებიან მეტწილად მიწაზე მოპოვებული ნაირგვარი [[მწერები]]თა და მათი ლარვებით. შემოდგომასა და ზამთარში ჭამენ [[თესლი|თესლებსა]] და ნაყოფებსაც.<br />
<br />
ჭვინტაკასებრნი გავრცელებული არიან [[ევროპა|ევროპისა]] და [[აზია|აზიის]] ტყეებში, ტყე-ტუნდრაში, სუბალპურსა და ალპურ ზონებში.<br />
<br />
ოჯახში სულ 10-12 სახეობაა. რიგი ავტორებისა ალპურ ჭვინტაკას ცალკე გვარად მიიჩნევს და ოჯახში 2 გვარს გამოყოფს. ზოგი კი ყველა სახეობას მხოლოდ ერთ გვარს აკუთვნებს. ასეთ შემთხვევაში, [[საქართველო]]ში მხოლოდ ერთი გვარია წარმოდგენილი.<br />
*[[ჭვინტაკა]]<br />
<br />
==წყარო==<br />
[[საქართველოს ფრინველების სარკვევი]]<br />
[[კატეგორია:ფრინველთა ოჯახი]]<br />
[[კატეგორია:ბეღურასნაირნი]]<br />
[[კატეგორია:ჭვინტაკასებრნი]]</div>Echelidze