https://www.nplg.gov.ge/wikidict/index.php?action=history&feed=atom&title=%E1%83%AD%E1%83%9D%E1%83%A2%E1%83%98 2026-04-30T23:30:35Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AD%E1%83%9D%E1%83%A2%E1%83%98&diff=245227&oldid=prev 2025-04-29T08:37:53Z

<p>ახალი გვერდი: &#039;&#039;&#039;ჭოტი&#039;&#039;&#039; (ლათ. Athene noctua Scopoli, 1769) − ფრინველთა გვარი, ფრინველი [[ბუსნაირ...</p> <p><b>ახალი გვერდი</b></p><div>'''ჭოტი''' (ლათ. Athene noctua Scopoli, 1769) − ფრინველთა გვარი, ფრინველი [[ბუსნაირნი|ბუსნაირთა]] რიგიდან. ამ გვარიდან [[საქართველო]]ში მოიპოვება ერთი სახეობა − ჭოტი.<br /> * კლასი − ფრინველები (AVES)<br /> * რიგი − [[ბუსნაირნი]] (Strigiformes)<br /> * ოჯახი − [[ბუსებრნი]] (Strigidae)<br /> * გვარი − ჭოტი (Athene)<br /> ჭოტი საშუალოზე პატარა ფრინველია, ფრთა 150-180 მმ-ია, [[ნისკარტი (ფრინველის)|ნისკარტი]] – 13-14 მმ, წონა – 155-260 გ. დედალი ცოტათი დიდია მამალზე. შეფერილობით დედალი მამლის მსგავსია, მაგრამ დიდი განსხვავებაა ქვესახეობებს შორის და ცვალებადობს მუქი მურადან ღია მოქარცისფრომდე და მოთეთრომდეც კი. მუქი შეფერილობის ზრდასრული ფრინველი ზურგის მხარეს მუქი მურაა, მოთეთრო კოპლებით. მუცლის მხარეს მოთეთროა, გასწვრივი მურა ლაქებით. თხემსა და კეფაზე წაგრძელებული თეთრი წინწკლებია. კისერზე ეს წინწკლები უფრო დიდებია; მხრებზე, ზურგსა და ფრთებზე აქვს თეთრი ლაქები, თუმცა დაფარულია ბუმბულის მუქი ნაწილებით. მომქნევები მურაა, განივი მოთეთრო ზოლებითა და მორუხო წვეროებით. საჭის ბუმბულები მურაა, 45 მოთეთრო-ცვილისფერი განივი ზოლით. ყელი [[თეთრი (ფერი)|თეთრი]]ა. ჩიჩახვი, მკერდი და მუცელი მოთეთროა, მურა გასწვრივი ლაქებით. სახის დისკო თეთრია, მაგრამ ყურების მფარავებზე მურა ლაქებია. თითები შემოსილია მოთეთრო-რუხი ჯაგრისმაგვარი ბუმბულებით. ნისკარტი ცვილისფერ-[[ყვითელი (ფერი)|ყვითელი]]ა, ბრჭყალები შავია.<br /> <br /> ცნობილია 13. ქვესახეობა. [[საქართველო]]ში მოიპოვება სამხრეთ-ევროპული ჭოტი – A. n. indigene Brehm., 1855. იგი აღწერილისაგან გამოირჩევა უფრო ღია და მოქარცისფრო შეფერილობით. მუცლის მხარეზე ნაკლებად კონტრასტულია, ხოლო კუდზე განივი ზოლები სუსტადაა გამოხატული.<br /> <br /> ====გავრცელება==== <br /> სახეობის ბუდობის არეალი მოიცავს ჩრდილოეთ [[აფრიკა]]ს, არაბეთის ნახევარკუნძულს, მცირე, წინა და ცენტრალურ [[აზია]]ს; [[ევროპა]]ში ჩრდილოეთი საზღვარი გადის ინგლისიდან, ბალტიის ზღვის სამხრეთი სანაპიროებით, ფსკოვზე, ყაზანზე, ორენბურგზე, [[ყაზახეთი|ყაზახეთში]], [[მონღოლეთი|მონგოლეთში]], მანჯურიაში, კორეამდე. [[სამხრეთი]]თ ვრცელდება საჰარამდე, სუდანამდე, [[ეთიოპია]]მდე, შემდეგ არაბეთში, [[პაკისტანი|პაკისტანში]], ტიბეტში, [[ჩინეთი|ჩინეთში]] და კორეის ცენტრალურ ნაწილში. საქართველოში ცნობილია როგორც მობუდარი ფრინველი.<br /> <br /> ====ბიოტოპი==== <br /> ბუდობს ღია [[ლანდშაფტი|ლანდშაფტში]], როგორც დაბლობებში, ისე მთებში. [[ჩრდილოეთი|ჩრდილოეთში]] – უპირატესად კულტურულ ლანდშაფტში – ბაღებში, პარკებში, დიდ ქალაქებში, აგრეთვე ხევებსა და ხრამებში; [[სამხრეთი|სამხრეთში]] – ძირითადად უდაბნოებში, ნახევარუდაბნოებში, მთების მშრალ ადგილებში – ვერტიკალურად 2000 მ-მდე ზ. დ.<br /> <br /> ====გამრავლება==== <br /> ბუდობს [[შენობა|შენობების]] ნანგრევებში, კლდეთა ნაპრალებში, მთებისა და ველების ხევებსა და ხრამებში, სახლების სხვენში, ზოგჯერ [[ხე]]ების ფუღუროებში. აპრილის შუა რიცხვებში დებს 4-5, ზოგჯერ 8-მდე კვერცხს. საინკუბაციო პერიოდი 28 დღემდე გრძელდება.<br /> <br /> ====კვება====<br /> თაგვისებური მღრღნელებთან ერთად, იკვებება მრავალგვარი მავნე [[მწერები]]თ. უფრო იშვიათად ჭამს ხვლიკებსა და პატარა ზომის ფრინველებსაც.<br /> <br /> ====მნიშვნელობა==== <br /> მრავლად ანადგურებს თაგვისებური მღრღნელებსა და მავნე [[მწერები|მწერებს]], რითაც დიდი სარგებლობა მოაქვს სახალხო მეურნეობისათვის.<br /> <br /> ==წყარო==<br /> *[[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ფრინველთა გვარი]]<br /> [[კატეგორია:ბუსნაირნი]]<br /> [[კატეგორია:ბუსებრნი]]</div>

Echelidze