https://www.nplg.gov.ge/wikidict/index.php?action=history&feed=atom&title=%E1%83%AD%E1%83%A0%E1%83%94%E1%83%9A%E1%83%98_%E1%83%99%E1%83%9A%E1%83%93%E1%83%98%E1%83%A1_%E1%83%A8%E1%83%90%E1%83%A8%E1%83%95%E1%83%98 2026-05-05T05:39:11Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AD%E1%83%A0%E1%83%94%E1%83%9A%E1%83%98_%E1%83%99%E1%83%9A%E1%83%93%E1%83%98%E1%83%A1_%E1%83%A8%E1%83%90%E1%83%A8%E1%83%95%E1%83%98&diff=248494&oldid=prev 2025-05-21T12:17:25Z

<p>ახალი გვერდი: &#039;&#039;&#039;ჭრელი კლდის შაშვი&#039;&#039;&#039; (ლათ. Monticola saxatilis Linnaeus, 1766) − ფრინველი [[ბეღურასნ...</p> <p><b>ახალი გვერდი</b></p><div>'''ჭრელი კლდის შაშვი''' (ლათ. Monticola saxatilis Linnaeus, 1766) − ფრინველი [[ბეღურასნაირნი|ბეღურასნაირთა]] რიგიდან.<br /> * კლასი − ფრინველები (AVES)<br /> * რიგი − [[ბეღურასნაირნი]] (Passeriformes)<br /> * ოჯახი − [[შაშვისებრნი]] (Turdidae)<br /> * გვარი − [[კლდის შაშვი]] (Monticola)<br /> ჭრელი კლდის შაშვი შაშვისებრთა ოჯახის საშუალო ზომის ფრინველია, ფრთა 115-130 მმ-ია, კუდი – 55-75 მმ, [[ნისკარტი (ფრინველის)|ნისკარტი]] – 15-20 მმ, წონა − 50-70 გ. მამალი დიდია დედალზე. შეფერილობაშიც სქესობრივი დიმორფიზმი კარგადაა გამოხატული. ზრდასრული მამალი თავსა და კისერზე ზემოდან [[ცისფერი]]ა; ზურგის წინა ნაწილი მოცისფრო-[[რუხი (ფერი)|რუხი]]ა, ხოლო უკანა ნაწილი – [[თეთრი (ფერი)|თეთრი]]. კუდზედა ბუმბულები მორუხო-ცისფერია, მაგრამ მათ შორის გრძელები − ქარცი. მომქნევები და ფრთების ზემო მფარავები შავია, მოთეთრო არშიებით; მკერდი, მუცელი, ფრთების ქვემო და კუდქვეშა ბუმბულები ქარცია. საჭის შუა წყვილი მურაა, ხოლო დანარჩენი ჟანგისფერ-ქარცი. ზრღასრული დედალი ზურგის მხარეს მორუხოა, მკრთალი ცისფერი ელფერით და მუქი და ღია ფერების სიჭრელით. საჭის ბუმბულების ბოლოებზე ჟანგისფერ-ქარცს მუქი მურაც ურევია. ყელი თეთრი აქვს, ხოლო სხეულის დანარჩენი ქვემო მხარე ჟანგმიწისფერია, მუქი განივი, ქერცლოვანი შესახედაობის ზოლებით. ნისკარტი შავია, ფეხები – მურა.<br /> <br /> აღწერილია 2 ქვესახეობა. [[საქართველო]]ში მოიპოვება დასავლური ჭრელი კლდი შაშვი – M. s. saxatilis Linn., 1766.<br /> <br /> ====გავრცელება==== <br /> ბუდობს [[აფრიკა|აფრიკის]] ჩრდილო-დასავლეთ ნაწილში; [[ევროპა]]სა და [[აზია]]ში არის რამდენიმე იზოლირებული არეალი, უპირატესად სამხრეთის მთების სისტემებზე, ვიწრო ზოლად გადაჭიმული პირენეიდან თითქმის ყვითელი ზღვის ნაპირებამდე. ევროპაში ბუდობს [[პორტუგალია]]ში, [[ესპანეთი|ესპანეთში]], სამხრეთ [[საფრანგეთი|საფრანგეთში]], [[იტალია]]ში, კორსიკაზე, [[ავსტრია]]ში, [[უნგრეთი|უნგრეთში]], ბალკანეთში, ტატრებსა და კარპატებში, ყირიმსა და [[კავკასია]]ში; შემდეგ – მცირე აზიაში, [[პალესტინა]]ში, [[ირანი|ირანში]], [[ავღანეთი|ავღანეთში]], მუგოჯარის, კოპეტდაღის, კაშგარიისა და ტიანშანის მთებში, [[ტაჯიკეთი|ტაჯიკეთში]], [[მონღოლეთი|მონგოლეთსა]] და აქა-იქ [[ჩინეთი|ჩინეთში]]. ზამთარს ატარებს ცენტრალურსა და აღმოსავლეთ [[აფრიკა]]ში, აგრეთვე არაბეთის სამხრეთ-დასავლეთ ნაწილში. საქართველოში ცნობილია როგორც მობუდარი.<br /> <br /> ====ბიოტოპი==== <br /> მთების კლდოვანი ფერდობები, ქვების შვავები და ბურცობები, მეტწილად ღია, უტყეო ადგილებში ან მეჩხერ ბუჩქნარებში. ვერტიკალურად გვხვდება უმეტესად 1700–2000 მ-ის სიმაღლეზე ზღვის დონიდან.<br /> <br /> ====გამრავლება==== <br /> ბუდობს ცალკეულ წყვილებად, ბუდეს იკეთებს მიწაზე ან კლდეზე, ბალახისა და ბუჩქების წვრილი, ხმელი ტოტებისაგან. მაისის შუა რიცხვებში დებს 4-6 კვერცხს. კრუხად ჯდება მხოლოდ დედალი. საინკუბაციო პერიოდის ხანგრძლივობა ზუსტად დადგენილი არაა. ზოგიერთი არაპირდაპირი დაკვირვებით იგი 14 დღეს უნდა აღწევდეს.<br /> <br /> ====კვება==== <br /> ჭრელი კლდის შაშვის ძირითად საკვებს შეადგენენ ნაირგვარი [[მწერები]] – ხოჭოები, კალიები, აგრეთვე ობობები და ხმელეთის სხვა უხერხემლო ორგანიზმები. ჭამს კენკრასაც.<br /> <br /> ====მნიშვნელობა==== <br /> კვების ხასიათის მიხედვით სასარგებლო ფრინველია, მაგრამ დიდი სამეურნეო მნიშვნელობა არა აქვს.<br /> <br /> ==წყარო==<br /> [[საქართველოს ფრინველების სარკვევი]]<br /> [[კატეგორია:ფრინველები]]<br /> [[კატეგორია:ბეღურასნაირნი]]<br /> [[კატეგორია:შაშვისებრნი]]<br /> [[კატეგორია:კლდის შაშვი]]</div>

Echelidze