https://www.nplg.gov.ge/wikidict/index.php?action=history&feed=atom&title=%E1%83%AE%E1%83%90%E1%83%A0%E1%83%A1%E1%83%90%E1%83%A4%E1%83%94%E1%83%A1%E1%83%9D%E1%83%A1%E1%83%98 2026-04-27T22:01:01Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AE%E1%83%90%E1%83%A0%E1%83%A1%E1%83%90%E1%83%A4%E1%83%94%E1%83%A1%E1%83%9D%E1%83%A1%E1%83%98&diff=238760&oldid=prev 2024-11-15T12:49:31Z

<p>ახალი გვერდი: &#039;&#039;&#039;ხარსაფესოსი&#039;&#039;&#039; – (ეგვ. &#039;&#039;Hrj-š.f&#039;&#039;, „ის, ვინც თავის ტბაზეა“), ჰერაკლეო...</p> <p><b>ახალი გვერდი</b></p><div>'''ხარსაფესოსი''' – (ეგვ. ''Hrj-š.f'', „ის, ვინც თავის ტბაზეა“), ჰერაკლეოპოლისის (მაგნა) ღვთაება. <br /> <br /> გამოისახებოდა ადამიანის ტანით, [[ვერძი (ეგვიპტურ მითოლოგიაში)|ვერძი]]ს თავით და [[ფარაონი]]ს ჩაცმულობით. მიეკუთვნება ეგვიპტის დიდი და უძველესი ღმერთების რიცხვს. დაფიქსირებულია პალერმოს ქვაზე უკვე I დინასტიის დროს. მისი აღზევება ჰერაკლეოპოლისურ პერიოდში იწყება (X-XI დინასტიები), როცა ჰერაკლეოპოლისი ქვეყნის დედაქალაქი, ხარსაფესოსი კი სამეფო რეზიდენციის და „ორივე ქვეყნის ბატონი“ ღვთაება ხდება. სწორედ ამ პერიოდში მოხდა მისი გადახლართვა [[ოსირისი|ოსირისსა]] და [[რა]]სთან. [[ეგვიპტის შუა სამეფო|შუა სამეფო]]ს ჰიმნებში ის არის „ოსირისის [[ბა]]“ და „[[აბიდოსი]]ს ბატონი“, ამიტომ ოსირისის ატეფ-გვირგვინი მისი [[ატრიბუტი]]ა. მისი ატრიბუტები ხდება ასევე [[ურეუსი]] და მზის დისკო, რადგან ხარსაფესოსი ასევე გვევლინება, როგორც „რას ბა“. უფრო გვიანდელ ტექსტებში ის მოხსენიებულია, როგორც ზეცის ბატონი, „რომელიც მიწას ანათებს, მისი მარცხენა თვალი [[მთვარე (ეგვიპტურ მითოლოგიაში)|მთვარე]]ა და მარჯვენა – [[მზე (ეგვიპტურ მითოლოგიაში)|მზე]]“. ახალი სამეფოდან შეერწყა [[ამონი|ამონსაც]]. ამ სინკრეტული გაერთიანებების გამო ხარსაფესოსის ორიგინალური ბუნება ბუნდოვანია. ბერძნებმა ხარსაფესოსი გააიგივეს [[ჰერაკლე]]სთან, და ამიტომ მის მშობლიურ ქალაქს ჰერაკლეოპოლისი დაარქვეს.<br /> <br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:ეგვიპტური მითები]]<br /> [[კატეგორია:ეგვიპტური ღვთებანი]]</div>

Tkenchoshvili