https://www.nplg.gov.ge/wikidict/index.php?action=history&feed=atom&title=%E1%83%AE%E1%83%94%E1%83%95%E1%83%98%E1%83%A1_%E1%83%A1%E1%83%98%E1%83%9D%E1%83%9C%E1%83%98ხევის სიონი - რედაქტირების ისტორია2026-06-21T15:36:17Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%AE%E1%83%94%E1%83%95%E1%83%98%E1%83%A1_%E1%83%A1%E1%83%98%E1%83%9D%E1%83%9C%E1%83%98&diff=171930&oldid=prevTkenchoshvili: ახალი გვერდი: ხევის სიონი '''ხევის სიონი''' – (ინგლ. Sioni Basilica), I...2022-11-04T13:00:57Z<p>ახალი გვერდი: <a href="/wikidict/index.php/%E1%83%A4%E1%83%90%E1%83%98%E1%83%9A%E1%83%98:Xevis_sioni.JPG" title="ფაილი:Xevis sioni.JPG">ხევის სიონი</a> '''ხევის სიონი''' – (ინგლ. Sioni Basilica), I...</p>
<p><b>ახალი გვერდი</b></p><div>[[ფაილი:Xevis sioni.JPG|thumb|250პქ|ხევის სიონი]]<br />
'''ხევის სიონი''' – (ინგლ. Sioni Basilica), IX-X საუკუნეების ქართული ხუროთმოძღვრების ძეგლი, სამნავიანი [[ბაზილიკა]]. მდებარეობს დარიალის ხეობაში, სტეფანწმინდის მუნიციპალიტეტში, სოფელ სიონში.<br />
[[ფაილი:Xevis sioni 2.JPG|thumb|მარცხნივ|სადარაჯო კოშკი]]<br />
ნაგებია სხვადასხვა ზომის უხეშად დამუშავებული შავი ქვით. გარედან შეთეთრებული იყო. ორი მასიური ბოძი და სამ-სამი [[თაღი]] ნაგებობას სამ [[ნავი (არქიტექტურა)|ნავად]] ჰყოფს. ეკლესიას სპეციფიკური ნიშნები ახასიათებს: დასავლეთის თაღები სხვებზე ბევრად ვიწროა და გვერდით ნავებში გასასვლელი კარის შთაბეჭდილებას ტოვებს; შუა ნავი სხვებისგან თავისი დიდი ზომებით გამოირჩევა; სწორკუთხა პასტოფორიები საკურთხეველს არ უკავშირდება; ღრმა [[ბემა|ბემი]]ან [[აფსიდი|აფსიდს]] [[ნაოსი]]სგან ძველი ექვსსვეტიანი [[კანკელი]] გამოჰყოფს. საკუთრივ აფსიდის სივრცეში კედლებს საფეხური შემოუყვება, რომელიც სასულიერო პირთა დასაჯდომადაა განკუთვნილი. ცენტრში, [[სარკმელი|სარკმლის]] ქვეშ მღვდელმთავრის დასაჯდომია, მის გვერდით აღმართული მრგვალი სახატე სვეტით. დეკორაციული გაფორმება ბაზილიკას მხოლოდ აღმოსავლეთით, [[საკურთხეველი|საკურთხევლის]] ფასადზე აქვს. ცენტრში განთავსებულია სარკმელი სათაურით, რომელსაც გვერდებზე ჰორიზონტალური გადანაკეცები აქვს გაკეთებული. ზემოთ ძლიერად [[შვერილი]] უბრალო თაროა. ამ შვერილსა და სარკმელს შორის კედელში სამკუთხა წვერით დასრულებული ბრტყელი და დაბალი [[ნიშა (არქიტექტურა)|ნიშა]]ა ჩასმული. ეკლესიას შერჩენილი აქვს ქვის ფილებიანი ძველი [[სახურავი]], რომელსაც [[ფრონტონი|ფრონტონების]] წვერში ქვისგან გამოკვეთილი ჯვრები ადგას. სავარაუდოდ, სამხრეთ და ჩრდილოეთ ფასადებს თავდაპირველად ღია თაღოვანი [[გალერეა]] ჰქონდა მიშენებული, რომელიც დღესდღეობით აღარ იკითხება. ფასადების მორთულობა ღარიბულია. ტაძარში დასავლეთ კედელზე შემორჩენილია მოხატულობის კვალი. <br />
<br />
ეკლესიის მახლობლად, ციცაბო კლდის პირას დგას ოთხსართულიანი, ზემოთ საგრძნობლად შევიწროვებული სადარაჯო [[კოშკი]]. იქვე, [[კვარცხლბეკი|კვარცხლბეკზე]] აღმართულია მემორიალური ქვა – [[სტელა]], რომელსაც თავდაპირველად ჯვარი აგვირგვინებდა. ერთ ქვაზე შემორჩენილია ღვთისმშობლისა და ჩვილის გამოსახულების ნაშთი. ხოლო ფუძის რვაკუთხა ქვაზე ასომთავრული წარწერაა ამოკვეთილი. ეზოს ამშვენებს წითელი [[კრამიტი]]თ დახურული [[სამრეკლო]]. ეკლესიის შესასვლელთან ხევის უხუცესთათვის განკუთვნილი ქვის [[სავარძელი|სავარძლები]] და სკამებია.<br />
<br />
==წყარო==<br />
[[სამშენებლო ენციკლოპედიური ლექსიკონი]]<br />
[[კატეგორია:საქართველოს არქიტექტურული ძეგლები]]<br />
[[კატეგორია:საქართველოს ეკლესია-მონასტრები ]]<br />
[[კატეგორია:სტეფანწნდის მუნიციპალიტეტის არქიტექტურული ძეგლები]]<br />
[[კატეგორია:ბაზილიკური ეკლესიები]]</div>Tkenchoshvili