https://www.nplg.gov.ge/wikidict/index.php?action=history&feed=atom&title=%E1%83%AE%E1%83%94%E1%83%95%E1%83%A1%E1%83%A3%E1%83%A0%E1%83%A3%E1%83%9A%E1%83%98_%E1%83%A1%E1%83%90%E1%83%AE%E1%83%9A%E1%83%98 2026-05-04T00:33:21Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AE%E1%83%94%E1%83%95%E1%83%A1%E1%83%A3%E1%83%A0%E1%83%A3%E1%83%9A%E1%83%98_%E1%83%A1%E1%83%90%E1%83%AE%E1%83%9A%E1%83%98&diff=171951&oldid=prev 2022-11-07T07:32:43Z

<p>ახალი გვერდი: [[ფაილი:Xevsuruli saxli.JPG|thumb|250პქ|თანამედროვე ტერასებიანი ხევსურული სახ...</p> <p><b>ახალი გვერდი</b></p><div>[[ფაილი:Xevsuruli saxli.JPG|thumb|250პქ|თანამედროვე ტერასებიანი ხევსურული სახლები ს. შატილში, საქართველო]]<br /> '''ხევსურული სახლი''' – ძნელად მისადგომ, კლდოვან ადგილებში [[ქვითკირი]]თ აშენებული კოშკური ტიპის სახლი, რომელსაც არა მარტო საცხოვრებელი, არამედ თავდაცვითი დანიშნულებაც ჰქონდა. <br /> <br /> [[კოშკი|კოშკები]] ძირითადად [[პირამიდული სახურავი|პირამიდულ სახურავიანი]] იყო. [[საძირკველი (ნაგებობის)|საძირკველში]] სიმტკიცის ნიშნად იცოდნენ [[მუხა|მუხის]] კუნძის ან [[რკინა|რკინის]] ნაჭრის ჩატანება. XVII-დან, [[ფშავი|ფშავ]]-[[ხევსურეთი|ხევსურეთში]] [[არაგვის ერისთავი|არაგვის ერისთავთა]] [[ლაშქრობა|ლაშქრობის]] შემდეგ, კოშკური კულტურა დაქვეითებას განიცდის და იცვლება ქვითკირული და ტერასულ-კალოიანი სახლებით. ქვის მშრალი წყობით აგებულ ხევსურულ სახლში შიგა [[ტიხარი (მშენებლობა)|ტიხრები]] [[თიხა|თიხით]] იყო შელესილი. პირველი სართულის შესასვლელი წარმოადგენდა „ქარიპანის“, სადაც ზაფხულობით საქონელს აბამდნენ. აქვე ალაგებდნენ ქურთს. ქარიპანიდან ჯერ საძროხეში (სახოზდაგე, სახვასტაგე) იყო შესასვლელი, შემდეგ „ნაწვლის კარით“ ოჯახის ძირითად სამყოფო ოთახში იყო გასასვლელი. ამ შესასვლელ-გასასვლელით მხოლოდ ქალები სარგებლობდნენ. მამაკაცები მეორე სართულიდან, ჭერხოდან ჩადგმული [[კიბე|კიბით]] ჩადიოდნენ სამყოფში. „სამყოფოს“ შუაგულს წამოადგენდა [[კერა]] (ყვერფ-კერა), რომელის თავზე, [[ჭერი|ჭერში]], დატოვებული იყო [[ღიობი]] კვამლის გასასვლელად, საიდანაც სინათლეც შემოდიოდა. იქვე, ასაყარზე გადებულ ხეზე, ჩამოკიდებული იყო საკიდელი. ოთახის დასავლეთ მხარეს, [[კედელი|კედლის]] გასწვრივ იდგა გრძელი, ორნამენტირებული სამამაცო სკამი და ოთახის ნაწილსაც „სამამაცო“ ერქვა. სამამაცო სკამზე მხოლოდ მამაკაცები სხდებოდნენ დამსახურებისა და ასაკის მიხედვით. სამყოფო, მეორე სართულს – ჭერხოს, კიბით უკავშირდებოდა, რომელიც გამოიყენებოდა აგრეთვე საქონლისათვის საკვების ჩასაყრელად. სამყოფო ოთახს სინათლის შესასვლელად კედლებში დატანებული ჰქონდა ვიწრო შუკუმები. ჭერხოში იყო მოთავსებული საოჯახო ინვენტარისა და მარცვლეულის შესანახი [[გოდორი|გოდრები]], [[კიდობანი|კიდობნები]], [[ტაგრუცი|ტაგრუცები]], [[ხოკერი|ხოკრები]], თიკრუნები და სხვა სახის ნივთები. ცალ მხარეს საქონლის საკვებ თივა-ჩალას აწყობდნენ. ჭერხო და ყოველი ღია ტერასა გადახურული იყო ბანით. ძირითადად ბანზე, სადაც პურს აკალოვებდნენ, დაშენებული იყო მაღალბანიანი [[კალო]], სადაც ძნას ლეწავდნენ. ბანი ძნელად მოსავლელი იყო. იგი წამოადგენდა ხის კოჭებზე განლაგებულ ჩალისა და ხის წვრილ ტოტებზე დატკეპნილ [[თიხამიწა]]ს, რომელსაც ირგვლივ ბრტყელი ქვის სანაპიროები ჰქონდა შემოწყობილი. ბანს რეგულარული ტკეპნა სჭირდებოდა. ხევსურულ სახლს კიდევ ჰქონდა ტერასულად მიშენებული მცირე ზომის სათავსები წინგარდა და გვერდითა. სახლის ირგვლივ განლაგებული იყო საჩადლი, სანეხვე და სამრელო.<br /> <br /> <br /> <br /> ==წყარო==<br /> [[სამშენებლო ენციკლოპედიური ლექსიკონი]]<br /> [[კატეგორია:არქიტექტურული ტერმინები]]<br /> [[კატეგორია:ქართული სახლი‏‎]]<br /> [[კატეგორია:სახლის ტიპები საქართველოში]]</div>

Tkenchoshvili