https://www.nplg.gov.ge/wikidict/index.php?action=history&feed=atom&title=%E1%83%AE%E1%83%94%E1%83%99%E1%83%90 2026-04-26T14:47:15Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AE%E1%83%94%E1%83%99%E1%83%90&diff=238791&oldid=prev 2024-11-15T19:40:37Z

<p>ახალი გვერდი: ხეკა – (ეგვ. Hk3), ღვთაება, მაგიური ძალის (ეგვ. &#039;&#039;hk3&#039;&#039;, მრავლობითში &#039;&#039;hkw&#039;&#039;)...</p> <p><b>ახალი გვერდი</b></p><div>ხეკა – (ეგვ. Hk3), ღვთაება, მაგიური ძალის (ეგვ. ''hk3'', მრავლობითში ''hkw'') და ღვთაებრივი ენერგიის პერსონიფიკაცია. ითვლებოდა საიდუმლო ძალად, რომელსაც არსებობის ფლუიდური ფორმა ჰქონდა და ზებუნებრივ ქმედებებს ჩადიოდა. მოიხსენიებოდა ხან [[ატუმი]]ს, ხან კი [[ხნუმი]]ს და [[მენხიტი]]ს შვილად. <br /> <br /> [[პირამიდების ტექსტები]] გვამცნობს, რომ ღვთაება, რომელიც ხეკას გადაყლაპავს, მისი ჯადოსნური ძალის მფლობელი გახდება. ხანდახან ხეკას აიგივებდნენ შემოქმედ ღვთაებასთანაც, განსაკუთრებით როცა ის, როგორც სიცოცხლის განახლების სიმბოლო, ბავშვის სახით იყო გამოსახული. ხეკა იყო ის ენერგია, რომლის გარეშეც სამყაროს შემოქმედების პროცესი შეუძლებელი იყო. [[ეგვიპტის ძველი სამეფო|ძველი სამეფო]]ს დროს ითვლებოდა, რომ ხეკა [[ფარაონი|ფარაონსაც]] გააჩნდა. გარკვეული სიტყვების დახმარებით, ხეკას ძალის გამოყენება ადამიანებსაც შეეძლოთ. ამ სიტყვების ცოდნა ღმერთის საჩუქრად ითვლებოდა. განსაკუთრებით მნიშვნელოვანი იყო ამ გამონათქვამების ცოდნა გარდაცვლილთათვის, რომლებსაც მხოლოდ ზებუნებრივი, მაგიური ძალების დახმარებით შეეძლოთ არსებობის გაგრძელება. ექიმები, რომლებიც მკურნალობის დროს მაგიურ შელოცვებსაც იყენებდნენ, ხეკას ქურუმებად ითვლებოდნენ. როგორც ყველა პერსონიფიკაცია, ხეკა ყოველთვის ანთროპომორფულად გამოისახებოდა.<br /> <br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:ეგვიპტური მითები]]<br /> [[კატეგორია:ეგვიპტური ღვთაებანი]]</div>

Tkenchoshvili