https://www.nplg.gov.ge/wikidict/index.php?action=history&feed=atom&title=%E1%83%AE%E1%83%98%E1%83%A1_%E1%83%99%E1%83%A3%E1%83%9A%E1%83%A2%E1%83%98_%28%E1%83%94%E1%83%92%E1%83%95%E1%83%98%E1%83%9E%E1%83%A2%E1%83%94%29 2026-05-08T05:58:40Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AE%E1%83%98%E1%83%A1_%E1%83%99%E1%83%A3%E1%83%9A%E1%83%A2%E1%83%98_(%E1%83%94%E1%83%92%E1%83%95%E1%83%98%E1%83%9E%E1%83%A2%E1%83%94)&diff=238840&oldid=prev 2024-11-15T21:30:52Z

<p>ახალი გვერდი: &#039;&#039;&#039;ხის კულტი&#039;&#039;&#039; – ეგვიპტელთა წარმოდგენით, ხეებს სული გააჩნდათ. ...</p> <p><b>ახალი გვერდი</b></p><div>'''ხის კულტი''' – ეგვიპტელთა წარმოდგენით, ხეებს სული გააჩნდათ. ხეების [[კულტი]]ს უკვე [[ეგვიპტის წინადინასტიური პერიოდი|წინადინასტიურ დრო]]ში არსებობაზე მეტყველებს ის გარემოება, რომ რამდენიმე [[ნომი]]ს ნიშანს სხვადასხვა ხე წარმოადგენს. <br /> <br /> [[პირამიდების ტექსტები|პირამიდების ტექსტებში]] ვკითხულობთ ორ სიკომორაზე, რომლებიც ზეცის აღმოსავლეთ მხარეს დგას, გარდაცვლილზე, რომელიც „ადის მაღალ სიკომორაზე აღმოსავლეთის ცაზე, სადაც ღმერთები სხედან“ და სიკომორაზე, რომელიც ღმერთებს მფარველობს. [[მკვდართა წიგნი|მკვდართა წიგნში]] მოხსენიებულია ორი [[ფირუზი]]ს სიკომორა, რომლებიც დგანან ცის აღმოსავლეთ ჭიშკართან, საიდანაც ყოველ დილას მზე ამობრწყინდება. [[პტოლემაიოსები]]ს დროინდელი ნომების ცხრილიდან ვგებულობთ, რომ თითქმის ყველა [[ნეკროპოლისი|ნეკროპოლისს]] საკუთარი საკრალური ხეები და საკრალური ხეების ჭალები ჰქონდა. ეს იყო ძირითადად იშედის და კეშებეტის ხეები (ჩვენთვის უცნობი ხეხილის ხეები), ქრისტეს აკაცია (ეგვ. Nb), ნილოსის აკაცია (šnd), ფინიკის პალმა (ეგვ. im3) და ტამარისკი (iśr) ზემო ეგვიპტეში და სიკომორა (ეგვ. Nht) ქვემო ეგვიპტეში. <br /> <br /> იშედ-ხეს სიცოცხლის ხეს ეძახდნენ. ითვლებოდა, რომ რომ მის [[ფოთოლი|ფოთლებზე]] [[თოტი]] და [[სეშატი]] მეფის სახელს და მეფობის წლებს წერდნენ, გარდაცვლილთა სულებს კი იშედის საკრალურ ჭალაში მოსვენება შეეძლოთ. გვიანდელ პერიოდში იშედის მსგავსი ფუნქცია ჰქონდა [[აკაცია]]ს, რომელიც სიცოცხლის და სიკვდილის საკითხს წყვეტდა. ხეების სულებთან გაიგივებული იყვნენ კოსმიური ღმერთებიც, ამ მხრივ განსაკუთრებით აღსანიშნავია [[ხატხორი]], რომელსაც სიკომორას და ფინიკის პალმის ქალბატონს ეძახდნენ.<br /> <br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:ეგვიპტური მითები]]</div>

Tkenchoshvili