https://www.nplg.gov.ge/wikidict/index.php?action=history&feed=atom&title=%E1%83%AE%E1%83%9D%E1%83%A0%E1%83%98%E1%83%A1_%E1%83%A8%E1%83%95%E1%83%98%E1%83%9A%E1%83%94%E1%83%91%E1%83%98 2026-05-03T09:43:53Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AE%E1%83%9D%E1%83%A0%E1%83%98%E1%83%A1_%E1%83%A8%E1%83%95%E1%83%98%E1%83%9A%E1%83%94%E1%83%91%E1%83%98&diff=238870&oldid=prev 2024-11-16T12:21:24Z

<p>ახალი გვერდი: &#039;&#039;&#039;ხორის შვილები&#039;&#039;&#039; – <a href="/wikidict/index.php/%E1%83%AE%E1%83%9D%E1%83%A0%E1%83%98" title="ხორი">ხორის</a> შვილებად ითვლებოდა ოთხი „დაბალი რ...</p> <p><b>ახალი გვერდი</b></p><div>'''ხორის შვილები''' – [[ხორი]]ს შვილებად ითვლებოდა ოთხი „დაბალი რანგის“ ღმერთი – ამსეტი (ადამიანის თავით, ეგვ. Imštj), [[ხაპი (ღვთება)|ხაპი]] ([[მაიმუნი (ეგვიპტურ მითოლოგიაში)|მაიმუნი]]ს თავით, ეგვ. Hpj), დუამუტეფი ([[ტურა (ეგვიპტურ მითოლოგიაში)|ტურის]] თავით, ეგვ. Dw3 mw.t.f) და კებეხსენუფი ([[შევარდენი (ეგვიპტურ მითოლოგიაში)|შევარდნის]] თავით, ეგვ. Kbhśnw.f). <br /> <br /> მათი წარმოშობა ბუნდოვანია. უკვე [[პირამიდების ტექსტები|პირამიდების ტექსტებში]] ისინი [[ცა (ეგვიპტურ მითოლოგიაში)|ცა]]სთან იყვნენ დაკავშირებული და გარდაცვლილ [[ფარაონი|ფარაონს]] ზეცისაკენ მგზავრობაში „ეხმარებოდნენ“. ისინი ასევე წარმოადგენდნენ ზეცის ოთხ მხარეს ამსეტი სამხრეთს, ხაპი – ჩრდილოეთს, დუამუტეფი – აღმოსავლეთს და კებეხსენუფი – დასავლეთს. [[ეგვიპტის შუა სამეფო|შუა სამეფო]]ს დროის სარკოფაგებზე მათი სურათები ან სახელები შესაბამის ოთხ მხარეზე იყო მოთავსებული. მათ გარდაცვლილისათვის სწორი ორიენტაციის შენარჩუნება „ევალებოდათ“. გარდაცვლილის სხეულის შიგთავსზე ზრუნვა და მისი შიმშილისა და წყურვილისაგან დაცვა ხორის შვილებს უკვე პირამიდების ტექსტებში „მოეთხოვებოდათ“, მაგრამ მოგვიანებით ეს მათი უმნიშვნელოვანესი ფუნქცია გახდა. XVIII დინასტიის ბოლომდე [[კანოპი|კანოპების]] სახურავებს, რომლებშიც [[მუმია|მუმიის]] შიგნეულობა ინახებოდა, გარდაცვლილის თავის სახეს აძლევდნენ, მასთან პორტრეტული მსგავსებით. XVIII დინასტიის შემდეგ ისინი ხორის შვილების თავებმა შეცვალა. ისინი ამიერიდან კანოპების დამცველები გახდნენ, მაგრამ თითოეულ მათგანს დიდი ქალღმერთი მფარველობდა. ამსეტის კანოპში ინახებოდა ღვიძლი და მას [[ისიდა]] მფარველობდა, ხაპი იცავდა [[ფილტვები|ფილტვებს]], მას კი [[ნეფტიდა]], დუამუტეფის კანოპში ინახებოდა კუჭი ნეიტის მფარველობის ქვეშ, კებეხსენუფს კი, რომელსაც სელკეტი მფარველობდა, ნაწლავების დაცვა ჰქონდა დავალებული. გვიანი ახალი სამეფოს დროს, [[მკვდართა წიგნი]]ს მეჩვიდმეტე თავში, ხორის შვილები მოხსენიებული არიან, როგორც ჩრდილოეთის ცის ბარკლის (ასე ეძახდნენ ეგვიპტელები დიდი დათვის თანავარსკვლავედს) ოთხი ვარსკვლავი, რომლებსაც ოსირისის სარკოფაგის ყარაულობა აქვთ დავალებული.<br /> <br /> == წყარო ==<br /> [[ძველი ეგვიპტის ენციკლოპედია]] <br /> [[კატეგორია:ძველი ეგვიპტე]]<br /> [[კატეგორია:ეგვიპტური მითები]]<br /> [[კატეგორია:მითოლოგიური პერსონაჟები]]<br /> [[კატეგორია:ეგვიპტური ღვთაებანი‏‎]]</div>

Tkenchoshvili