https://www.nplg.gov.ge/wikidict/index.php?action=history&feed=atom&title=%E1%83%AF%E1%83%94%E1%83%93-%E1%83%A1%E1%83%95%E1%83%94%E1%83%A2%E1%83%98 2026-04-30T16:08:14Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%AF%E1%83%94%E1%83%93-%E1%83%A1%E1%83%95%E1%83%94%E1%83%A2%E1%83%98&diff=238896&oldid=prev 2024-11-16T20:36:22Z

<p>ახალი გვერდი: &#039;&#039;&#039;ჯედ-სვეტი&#039;&#039;&#039; – უძველესი <a href="/wikidict/index.php/%E1%83%A4%E1%83%94%E1%83%A2%E1%83%98%E1%83%A8%E1%83%98" title="ფეტიში">ფეტიში</a>. მისი არსება ბუნდოვანია. ჯედ...</p> <p><b>ახალი გვერდი</b></p><div>'''ჯედ-სვეტი''' – უძველესი [[ფეტიში]]. მისი არსება ბუნდოვანია. ჯედის ნიშანი შესულია [[დამწერლობა]]შიც, მარადიულობას ნიშნავს და „ხანგრძლივი დროის“ [[სიმბოლო]]ა (ეგვ. dd). უძველესი დროიდან გამოიწერებოდა სიცოცხლის და უვნებელობის (უას-სკიპტრა) სიმბოლოებთან ერთად [[ფარაონის ტიტულატურა|ფარაონის ტიტულატური]]ს ბოლოში. ჯედ-სვეტი შეიძლებოდა ზეცის საყრდენიც ყოფილიყო. [[მემფისი|მემფისში]] [[ეგვიპტის ძველი სამეფო|ძველი სამეფო]]ს დროს არსებობდნენ „პატივსაცემი ჯედის“ [[ქურუმები]] და „ჯედ-სვეტის აღმართვის“ სამეფო [[დღესასწაულები ძველ ეგვიპტეში|დღესასწაულსაც]] ზეიმობდნენ. ჯედ-სვეტის აღმართვა ჩვეულებრივ [[მეფედ კურთხევა ძველ ეგვიპტეში|მეფედ კურთხევის]] და [[ხებსედი]]ს წინა საღამოს ტარდებოდა მემფისში, სამეფო ოჯახის თანდასწრებით და მეფის მონაწილეობით. დღესასწაულის კულმინაციას წარმოადგენდა მომენტი, როცა მეფე, ქურუმების დახმარებით, რომლებსაც მემფისის მთავარი ქურუმი წინამძღოლობდა, აღმართავდა ჯედ-სვეტს, რაც უდავოდ მეფობის ხანგრძლივობის სიმბოლო უნდა ყოფილიყო. თვითონ მემფისის მთავარი ღვთაება, [[პტახი]], მოიხსენიება, როგორც „პატივსაცემი ჯედი“. პტახის გამოსახულებების ზურგს უკან ძალიან ხშირად ვხვდებით ჯედ-სვეტის გამოსახულებას. [[ეგვიპტის ახალი სამეფო|ახალი სამეფო]]დან ჯედ-სვეტი მჭიდროდ არის დაკავშირებული [[ოსირისი|ოსირისთან]] და გარდაცვლილთა კულტთან, რაც ალბათ ბუნებრივი განვითარების შედეგად მოხდა იმის გათვალისწინებით, რომ უკვე [[ეგვიპტის შუა სამეფო|შუა სამეფო]]დან ვხვდებით სინკრეტულ ღვთაებას პტახ-სოკაროსირისს. [[მკვდართა წიგნი]]ს 155-ე თავი შეიცავს სიტყვებს, რომლებიც უნდა წარმოითქვას გარდაცვლილის კისერთან ჯედ-სვეტის მოთავსების დროს. ჯედ-სვეტს ხატავდნენ ასევე სარკოფაგის ფსკერზე იქ, სადაც გარდაცვლილის ხერხემალი თავსდებოდა.<br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:ეგვიპტური რიტუალები]]<br /> [[კატეგორია:ფეტიში]]</div>

Tkenchoshvili