https://www.nplg.gov.ge/wikidict/index.php?action=history&feed=atom&title=%E1%83%AF%E1%83%98%E1%83%AF%E1%83%A6%E1%83%98ჯიჯღი - რედაქტირების ისტორია2026-04-29T07:38:01Zამ გვერდის შესწორებათა ისტორია ვიკიშიMediaWiki 1.19.24https://www.nplg.gov.ge/wikidict/index.php?title=%E1%83%AF%E1%83%98%E1%83%AF%E1%83%A6%E1%83%98&diff=248487&oldid=prevEchelidze: ახალი გვერდი: '''ჯიჯღი''' (ლათ. Turdus ruficollis Pallas, 1776) − ფრინველი [[ბეღურასნაირნი|ბეღურას...2025-05-21T11:57:25Z<p>ახალი გვერდი: '''ჯიჯღი''' (ლათ. Turdus ruficollis Pallas, 1776) − ფრინველი [[ბეღურასნაირნი|ბეღურას...</p>
<p><b>ახალი გვერდი</b></p><div>'''ჯიჯღი''' (ლათ. Turdus ruficollis Pallas, 1776) − ფრინველი [[ბეღურასნაირნი|ბეღურასნაირთა]] რიგიდან.<br />
* კლასი − ფრინველები (AVES)<br />
* რიგი − [[ბეღურასნაირნი]] (Passeriformes)<br />
* ოჯახი − [[შაშვისებრნი]] (Turdidae)<br />
* გვარი − [[შაშვი]] (turdus)<br />
ჯიჯღი საშუალო ზომის შაშვია, ფრთა 125-145 მმ-ია, კუდი – 100-115 მმ, [[ნისკარტი (ფრინველის)|ნისკარტი]] – 24-25 მმ, წონა – 90-120 გ. მამალი ოდნავ დიდია დედალზე. შეფერილობაში სქესთა შორის არის შესამჩნევი განსხვავება. ზრდასრული მამალი ზურგის მხარეს მორუხო-წენგოსფერია. მურა ფერის მომქნევებს გარეთა კიდეები [[რუხი (ფერი)|რუხი]] აქვთ; საჭის ბუმბულები მოშავო-მურაა, მხოლოდ კიდურა წყვილია მორუხო-მურა. პირის კუთხეებთან, ყელსა და ჩიჩახვზე ბუმბულები შავია; სხეულის დანარჩენი ქვემო მხარე მოთეთროა, მაგრამ ზოგიერთ ბუმბულზე არის მკრთალი მორუხო ღერძულა ლაქები. სხეულის გვერდები მორუხოა, ხოლო იღლია – კვამლისფერი, ჟანგმიწისფერი ელფერით. დედლის შეფერილობაში შავი ფერი არაა ან ბევრად ნაკლებია. ყელისა და ჩიჩახვის მოთეთრო ფონზე გასწვრივი მოშავო სიჭრელეა; თავის გვერდები რუხია; მკერდსა და სხეულის გვერდებზეც მუქი ღერძულა ხაზებია. ნისკარტი და ფეხები მურა ფერისაა. ცალკეულ ქვესახეობებს შორის მკვეთრი განსხვავებაა შეფერილობაში, რის გამო ზოგიერთი ავტორი მათ დამოუკიდებელ სახეობებადაც კი მიიჩნევს.<br />
<br />
აღწერილია 2-დან 4-მდე ქვესახეობა. [[საქართველო]]ში მოიპოვება შავგულა ჯიჯღი – T. r. atrogularis Jarocki, 1819.<br />
<br />
====გავრცელება====<br />
სახეობის ბუდობის არეალი ვრცელი არაა. იგი მოიცავს შედარებით მცირე ტერიტორიას ციმბირში, ჩრდილოეთი ურალის დასავლეთი ფერდობებიდან, ქვემო ტუნგუსკამდე და იმიერბაიკალეთამდე, ხოლო სამხრეთით – [[მონღოლეთი|მონგოლეთამდე]]. ზამთარს ატარებს უპირატესად [[ირანი|ირანში]], [[ერაყი|ერაყში]], [[ავღანეთი|ავღანეთში]], შუა [[აზია]]ში, [[ინდოეთი]]ს ჩრდილოეთ ნაწილში, [[ჩინეთი]]ს ზოგიერთ ადგილებში და [[ბირმა]]ში. ზამთრობით გვხვდება საქართველოშიც, როგორც იშვიათი შემომფრენი ფრინველი.<br />
<br />
====ბიოტოპი==== <br />
ჯიჯღი ბინადრობს ნაირგვარი ტიპის ტყეში – უპირატესად ტყისპირებში, ბუჩქნარებში, ზოგჯერ ტაიგის დაჭაობებულ უბნებში.<br />
<br />
====გამრავლება==== <br />
ბუდობს ცალკეულ წყვილებად. ბუდეს იკეთებს [[ხე]]ზე, ბუჩქებზე, ჯირკებზე, ზოგჯერ მიწაზეც. აღნიშნულია წელიწადში ორჯერ გამრავლება. პირველად მაისის დასაწყისში, მეორედ ივნისის ბოლოს დებს 4-7 კვერცხს. საინკუბაციო პერიოდის ხანგრძლივობა დადგენილი არაა, მაგრამ არაპირდაპირი მონაცემებით, იგი 13 დღემდე უნდა აღწევდეს.<br />
<br />
====კვება==== <br />
ჯიჯღის საკვებს შეადგენენ მეტწილად [[მწერები]], პატარა ლოკოკინები, წყლის მწერების ლარვები, [[ჭიაყელები]] და ობობები. მცირე რაოდენობით ჭამს კენკრასაც.<br />
<br />
====მნიშვნელობა==== <br />
კვების ხასიათის მიხედვით სასარგებლო ფრინველია, მაგრამ მცირერიცხოვნობის გამო სამეურნეო მნიშვნელობა არა აქვს.<br />
<br />
==წყარო==<br />
[[საქართველოს ფრინველების სარკვევი]]<br />
[[კატეგორია:ფრინველები]]<br />
[[კატეგორია:ბეღურასნაირნი]]<br />
[[კატეგორია:შაშვისებრნი]]<br />
[[კატეგორია:შაშვი]]</div>Echelidze