https://www.nplg.gov.ge/wikidict/index.php?action=history&feed=atom&title=%E1%83%B0%E1%83%98%E1%83%94%E1%83%A0%E1%83%90%E1%83%99%E1%83%9D%E1%83%9C%E1%83%9E%E1%83%9D%E1%83%9A%E1%83%98%E1%83%A1%E1%83%98 2026-04-29T06:08:07Z ამ გვერდის შესწორებათა ისტორია ვიკიში MediaWiki 1.19.24 https://www.nplg.gov.ge/wikidict/index.php?title=%E1%83%B0%E1%83%98%E1%83%94%E1%83%A0%E1%83%90%E1%83%99%E1%83%9D%E1%83%9C%E1%83%9E%E1%83%9D%E1%83%9A%E1%83%98%E1%83%A1%E1%83%98&diff=238915&oldid=prev 2024-11-16T23:05:17Z

<p>ახალი გვერდი: &#039;&#039;&#039;ჰიერაკონპოლისი&#039;&#039;&#039; – <a href="/wikidict/index.php/%E1%83%A5%E1%83%90%E1%83%9A%E1%83%90%E1%83%A5%E1%83%98" title="ქალაქი">ქალაქი</a> მესამე ზემოეგვიპტურ [[ნომი|ნომ...</p> <p><b>ახალი გვერდი</b></p><div>'''ჰიერაკონპოლისი''' – [[ქალაქი]] მესამე ზემოეგვიპტურ [[ნომი|ნომში]]. ითვლება წინადინასტიური სამხრეთ ეგვიპტური სამეფოს დედაქალაქად. ცნობილია, როგორც „ეგვიპტური სახელმწიფოს აკვანი“. <br /> <br /> ჰიერაკონპოლისის მნიშვნელობაზე მეტყველებს უკვე ის ფართობი, რომელიც მას ეკავა, და მდიდრული [[სამარხი (ძველი ეგვიპტე)|სამარხების]] რიცხვი. თანამედროვე არქეოლოგიური მონაცემების თანახმად, სწორედ ჰიერაკონპოლისის მეფეებმა მოახდინეს ეგვიპტის გაერთიანება და ერთიანი ეგვიპტური [[სახელმწიფო]]ს შექმნა. სავარაუდოდ, აქვე მოხდა სამეფო ძალაუფლების დაკავშირება [[ხორი|ხორთან]], რადგან ჰიერაკონპოლისში აღმოჩენილ ცნობილ [[ნარმერის ფილა|ნარმერის პალეტზე]], რომელზეც აღბეჭდილია ჩრდილოეთზე გამარჯვება, ფარაონი გამოსახულია როგორც ზემო, ასევე ქვემო ეგვიპტის [[ფარაონის გვირგვინი|გვირგვინებით]] და მის პირისპირ ხორის ფიგურაა მოთავსებული. ესაა ფარაონის და ხორის კავშირის აღმნიშვნელი დღეისათვის ცნობილი უძველესი გამოსახულება. თვითონ [[ნარმერი]] სავარაუდოდ ნულოვანი დინასტიის უკანასკნელი ან პირველი დინასტიის პირველი [[ფარაონი]] იყო. <br /> <br /> ჰიერაკონპოლისი მდებარეობს [[ნილოსი]]ს დასავლეთ ნაპირზე, [[ედფუ]]დან 17 კმ. ჩრდილო-დასავლეთით, თანამედროვე სოფელ კომ ელ-გემუიასთან. თვითონ ნაქალაქარის თანამედროვე სახელია კომ ელ-აჰმარი. ჰიერაკონპოლისის და მისი შემოგარენის ფართობი 144 კვ. კმ.-ს მოიცავს. ესაა ქალაქის ტერიტორია [[გალავანი|გალავნის]] შიგნით, დიდი ტაძრით, და ორი დასახლება გალავანს გარეთ, ჩრდილოეთით და აღმოსავლეთით; სასაფლაოები და სამარხები უკვე უდაბნოში, ნაყოფიერი მიწის მიღმა მდებარეობს. აქვე, უდაბნოში, დღემდეა შემორჩენილი 3705 კვ. მ.-ის [[ფორტი]]ს ტიპის [[ნაგებობა|ნაგებობის]] ნანგრევები, რომელიც [[ხასეხემუი]]ს (II დინასტია) მეფობით არის დათარიღებული. განსაკუთრებით მნიშვნელოვანია [[ნაქადა (კულტურა)|ნაქადა]] II-ის პერიოდის მდიდრული სამარხი, ასევე დიდი, ოვალური ზომის [[ეზო]], რომელიც შესაძლოა უძველეს სატაძრო კომპლექსს ეკუთვნოდა. ნაქადა III-ის პერიოდით დათარიღებულია გრანდიოზული სამარხები, რომლებიც უშუალოდ [[ეგვიპტის წინადინასტიური პერიოდი|წინადინასტიური პერიოდი]]ს ჰიერაკონპოლისის მმართველებს ეკუთვნოდა. <br /> <br /> დინასტიური პერიოდის დასასრულისათვის ჰიერაკონპოლისი კლებულობს ზომაში. ფართოდ გაშლილი სოფლის ტიპის დასახლებიდან ის [[აგური (სამშენებლო მასალა)|აგური]]თ ნაშენებ და უფრო მჭიდროდ დასახლებულ ქალაქად იქცა. ჰიერაკონპოლისში აღმოჩენილია აგურის კედელი მონუმენტური ჭიშკრით, სავარაუდოდ სასახლის ნანგრევები, (წარმოადგენს ჩვენამდე მოღწეული ადრეული სასახლის ერთადერთ ნიმუშს), ასევე უძველესი ტაძრის [[ფუნდამენტი]]. ქალაქი ვითარდებოდა ადრედინასტიური და ძველი სამეფოს პერიოდების დროს, როცა აიგო 320 კვ. მ.-ის გალავანი. ახალი სამეფოს შემდეგ ქალაქი თანდათან კარგავს თავის მნიშვნელობას, როგორც ურბანული ცენტრი, და მის ადგილს ახლომდებარე ედფუ იკავებს, მაგრამ ნეხენის ხორის ტაძარი ინარჩუნებს თავის მნიშვნელობას, როგორც ხორის ერთ-ერთი უმნიშვნელოვანესი სახის (ნეხენის ხორის) ტაძარი, და მისი რეკონსტრუქცია მოხდა როგორც შუა, ისე ახალი სამეფოების დროს.<br /> <br /> ==წყარო==<br /> [[ძველი ეგვიპტის ენციკლოპედია]]<br /> [[კატეგორია:ძველი ეგვიპტე]]<br /> [[კატეგორია:ქალაქები ძველ ეგვიპტეში]]</div>

Tkenchoshvili