აკერი

'''აკერი''' – უძველესი ღვთაება, რომელიც მიწის განსახიერებას წარმოადგენდა და მიწისქვეშეთის დასავლეთ და აღმოსავლეთ ჭიშკრებზე ბატონობდა. ძველ ტექსტებში მიწის ნიშნით ([[ფაილი:Qqq.JPG|20px|]]) იყო დეტერმინირებული. გამოისახებოდა მიწის ნიშნით, რომელსაც ორივე მხარეს ადამიანის თავი ჰქონდა. [[ეგვიპტის ახალი სამეფო|ახალი სამეფო]]დან მას ემატება [[ლომი (ეგვიპტურ მითოლოგიაში)|ლომი]]ს თათები, და ხშირად ადამიანის თავი ლომის თავით არის შეცვლილი. კიდევ უფრო გვიან გამოისახებოდა, როგორც ორი ერთმანეთისაკენ ზურგით მჯდომი ლომი, რომელთა შორის ჰორიზონტის ნიშანი იყო მოთავსებული (მაგ. „[[მკვდართა წიგნი]]ს“ XVII თავის ილუსტრაციებში, Bonnet, 1952, 12). დასავლეთისაკენ მომზირალ ლომს ერქვა სეფი („გუშინ“), აღმოსავლეთისაკენ – დუაუ („ხვალ“, „(ხვალინდელი) დილა“). ითვლებოდა, რომ აკერი [[რა]]ს ღამით მიწისქვეშეთის დასავლეთის, დილით კი აღმოსავლეთის ჭიშკრებს უღებდა. იგი იცავდა გარდაცვლილებს [[გველი (ეგვიპტურ მითოლოგიაში)|გველი]]ს შხამისაგან, რას კი [[აპოპი]]საგან, ამიტომ მის გამოსახულებებს სამარხების შესასვლელებთან ათავსებდნენ. [[რამსეს VI]]-ის და [[რამსეს IX]]-ის სამარხებში ნაპოვნია „აკერის წიგნის“ ნაწყვეტები. ფრაგმენტულობის გამო სრული შინაარსის დადგენა ძნელია, მაგრამ მის ძირითად იდეას მეფის მიწისქვეშეთიდან აღზევება წარმოადგენს, რასაც საოცარ ემოციურობას ანიჭებს წიგნის ილუსტრაციები მიწიდან ზეაწვდილი ხელები.