ჩიმაროზა დომენიკო

22:59, 18 მაისი 2025-ის ვერსია

დომენიკო ჩიმაროზა – (17 დეკემბერი 1749, ავერსა, ნეაპოლის მახლობლად, – 1 იანვარი 1801, ვენეცია), იტალიელი კომპოზიტორი, ოპერა-ბუფის ერთ-ერთი მნიშვნელოვანი წარმომადგენელი. 1787-91 ჩიმაროზა კარის კაპელმაისტერი იყო პეტერბურგში. აქ დადგა ოპერები: „მზის ქალწული“ და „კლეოპატრა“, ბალეტი – „მოულოდნელი ბედნიერება“. 1792 ვენაშია, 1793 ნეაპოლში. სახელი გაითქვა ოპერით „საიდუმლო ქორწინება“ (1792), დადგმულია გორის სამუსიკო სასწავლებლის საოპერო სტუდიის სცენაზე (1981), ქუთაისში (1983), თბილისში კონსერვატორიის საოპერო სტუდიის სცენაზე (2004).

წყარო

• მუსიკის ენციკლოპედიური ლექსიკონი