ვარსკვლავა

11:51, 24 მაისი 2019-ის ვერსია

ვარსკვლავა

ვარსკვლავა – (Astrantia maxima Pall.); ოჯახი: ქოლგოსნები (Apiaceae). მრავალწლიანი ბალახოვანი მცენარეა. ღერო სწორია, სიმაღლე – 40-70 სმ. შიშველი, წვრილღარებიანი. ზედა ნაწილში მცირედ დატოტვილი. ფესვთანური და ღეროსეული ქვედა ფოთლები გრძელყუნწიანია, ფოთლის ფირფიტა თითქმის ძირამდეა სამად განკვეთილი. შუა სეგმენტი ვიწროა, ელიფსური, გვერდითები – ფართო-კვერცხისებური. კიდეები ჯაგრიანი და ორმაგკბილიანია. ყვავილედი ქოლგაა, საბურველის ფოთოლაკი დიდია – 8-12, ელიფსური, წაწვეტებული, ქოლგებს თითქმის ორჯერ აღემატება. ზედა მხარეზე მწვანეა, ქვედაზე – ვარდისფერი ან წითელი. ყვ. ნაყ. VII-IX. მაღალმთის მცენარეა, იზრდება ველობებსა და ტყისპირა ადგილებში. ნახვა შესაძლებელია გომბორზე, თუშეთის დაცულ ტერიტორიაზე (სოფელ ომალოს მიდამოებში). ფართოდაა გავრცელებული თითქმის მთელ საქართველოში.

წყარო

კახეთის რეგიონის მცენარეები