იარუ

იარუ – (ეგვიპტ.) საიქიოს ქვეყანა, მკვდართა სამყოფელი. მდებარეობს მზის აღმოსავლეთ მხარეს, საიდანაც ამოდის რაე, დილის მზე. აქ რაე და გარდაცვლილი ფარაონი დილაობით იბანებიან ტბაში, სადაც ისინი იარუს მენავეს გადაჰყავს.

იარუში მოხვედრის და მის ველებზე განსვენების ღირსი ხდება ყველა, ვინც კი ოსირისის სამსჯავროზე გამართლდება, და არა მხოლოდ ფარაონი. ბრინჯაოს გალავნით გარშემორტყმული იარუს ნაყოფიერ მიწას, რომელიც დაქსელილია წყალუხვი არხებით, მიცვალებულები ამუშავებენ და უხვი მოსავალი მოჰყავთ.

წყარო

მითოლოგიური ენციკლოპედია ყმაწვილთათვის