ხვარხვარა

ხვარხვარა

ხვარხვარა – (Petrosimonia brachiata [Pall.] Bunge); ოჯახი: ნაცარქათამასებრნი (Chenopodiaceae). 40 სმ სიმაღლის ერთწლიანი ბალახოვანი მცენარეა. სწორად მდგომი ან წამოწეული, მოპირისპირედ განლაგებული ტოტებით. მცენარე თავიდან შებუსულია, შემდგომში – შიშველი. ფოთლები ხაზურია, მომსხო, ნახევრად ცილინდრული. ფოთლები ძირში გაფართოებულია და სიფრიფანა არშიით შემოვლებული. ყვავილები დამოკლებულ ტოტებზე სხედან. ყვ. ნაყ. VI-X. მცენარე იზრდება დამლაშებულ და ქვიან ადგილებში. კახეთში მისი ნახვა შესაძლებელია გარეჯის მიდამოებში. ცნობილია თბილისის მიდამოებშიც.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.