რვული

რვული — მრავალმარცვლიანი ლექსი. XIX საუკუნემდე ეს საზომი გვხვდება როგორც 16-მარცვლიანი შაირის ნახევარსტროფი, თუმცა ზოგჯერ დამოუკიდებელი საზომის სახითაც არის — აქვს რითმა და ინტონაციური დამოუკიდებლობა. ა. გაწერელია გამოყოფს შემდეგი სახის რვამარცვლიან ლექსს: ოთხი ქორე; ორი პეონი; მეორე პეონი და ორი ქორე; ორი ქორე და მეორე პეონი; დაქტილი, ქორე, დაქტილი; ორი დაქტილი, ქორე. ყველაზე უფრო ხშირად ქართულ ლექსში გამოყენებულია დაბალი შაირის ნახევარტაეპი.

ლიტერატურა

• ა. გაწერელია, ქართული ლექსი, 1955.

ქართული მწერლობა: ლექსიკონი-ცნობარი