აგრაფი

აგრაფი — (ფრანგ. grafe კავი),

1. აგრაფი – ძველი წიგნების ყდების შესაკრავი ლითონის აჟურული კავისებური ბალთა. აგრაფი იგივეა, რაც ფერმუარი.
2. აგრაფი – აბზინდის სახეობა.
3. აგრაფი – არქიტექტურაში თაღის ცენტრში დატანებული ქვა, ჩვეულებრივ მოჩუქურთმებული.
4. აგრაფი – სტილიზებული მცენარეული მოტივი ბაღის პარტერის გასაფორმებლად XVII-XVIII საუკუნეებში. ჰქონდა ტოტების კონის, ფოთლების, ფურცლების სახე, რომელიც გამოდიოდა პარტერის კიდის ერთი წერტილიდან.