ათეული (სამხედრო)

ათეული (სამხედრო) –

1. მრავალი ქვეყნის შეიარაღებულ ძალებში პირველადი (უმდაბლესი) ტაქტიკური ქვედანაყოფი. როგორც წესი, არის ოცეულის (ქვეითი, მოტოქვეითი, სადესანტო, საინჟინრო, კავშირგაბმულობის და სხვა) ძირითადი სტრუქტურული ერთეული. სატანკო და საავიაციო ათეულს შეესაბამება ეკიპაჟი. საზღვაო ხომალდების ეკიპაჟის ათეული აერთიანებს ერთი სპეციალობის პირად შემადგენლობას და შედის კომანდის შემადგენლობაში.

2. პირველადი საორგანიზაციო ერთეული შტაბებში, საგანმანათლებლო და სხვა დაწესებულებებში.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი2017