ბებერა სოკო

ბებერა სოკო (ლათ. Leccinum crocipodius (Let.) Watling ლათ.Обабок буковый)

ქუდი – 5-15 სმ დიამეტრისაა, ბალიშისებრი, სადა, დამსკდარი ზედაპირით, მოყვითალოა მუქყავისფრამდე. ფორები წვრილია.

ფეხი – სწორი, წახნაგოვანი, დაფარულია მუქი წერტილისებრი წვრილი ქერცლებით, მკრთალ-მოყვითალოა. ფორები წვრილ-ნასვრეტებიანია.

რბილობი – ყვითელი, ზოგჯერ რამდენამდე მოწითალო, ჰაერზე სწრაფად მუქდება.

სპორები – თითისტარისებრია, მომწვანო-მოყვითალო, 11-18X6-8 მკმ.

იზრდება ნიადაგზე ფოთლოვან ტყეში, განსაკუთრებით წიფლნარებში ზაფხულ-შემოდგომით. საჭმელი სოკოა, გამოიყენება ახალი, გამხმარი და დამუჟუჟებული.

წყარო

საქართველოს სოკოები