ბიენალე
ბიენალე − (იტალ. Biennale < ლათ. bis ორჯერ და annuus წელიწადი), დიდი სამხატვრო გამოფენა, ფესტივალი ან შემოქმედებითი კონკურსი, რომელიც ორ წელიწადში ერთხელ იმართება. მსოფლიოში ცნობილი ბიენალებია: ვენეციის, ფლორენციის (იტალიის რესპუბლიკა), ბერლინის (გერმანიის ფედერაციული რესპუბლიკა), ბეიძინის, შანხაის, ჰონგ კონგის, გუანჩჟოუს (ჩინეთის სახალხო რესპუბლიკა), სან-პაულუს (ბრაზილიის ფედერაციული რესპუბლიკა), ვროცლავის (პოლონეთის რესპუბლიკა), ბუქარესტის (რუმინეთი), მელბურნის, სიდნეის (ავსტრალიის კავშირი), მონრეალის, ვანკუვერის (კანადა), ბაშვიკის (ბრუკლინი, ნიუ იორკი, აშშ), ჰავანის (კუბის რესპუბლიკა), სტამბოლის (თურქეთის რესპუბლიკა), ჯაკარტის (ინდონეზიის რესპუბლიკა), ლივერპულის (ინგლისი), ტაიპეის (ჩინეთის რესპუბლიკა, ტაივანი), ზაგრების (ხორვატიის რესპუბლიკა), მოსკოვის (რუსეთის ფედერაცია), პარიზის (საფრანგეთის რესპუბლიკა), ნიუ ორლეანის (აშშ), კობეს (იაპონია), კოჩის (ინდოეთის რესპუბლიკა) და სხვ.
