ბიზნეს-ინკუბატორი
ბიზნეს-ინკუბატორი - (business- incubator), მრავალპროფილიანი ორგანიზაცია, რომელიც ერთობლივი გამოყენების პირობით მეურვეობას უწევს მცირე ფირმებს და უზრუნველყოფს მათ შენობა-ნაგებობებით, ტექნოლოგიური მოწყობილობებით და ა.შ.
ურთიერთობის ასეთი ფორმა მიზნად ისახავს დაეხმაროს დამწყებ მეწარმეებს გადალახონ ფირმის რაციონალურად მართვასთან დაკავშირებული ისეთი წინა სასტარტო პრობლემები, როგორიცაა საინვესტიციო სახსრების მოზიდვა, ინოვაციური პროექტების დამუშავება და ახალი ტექნოლოგიების ათვისება, ბაზარზე მყარი პოზიციის მოპოვება, საქმიანი ურთიერთობის დამყარება ბაზრის კონტჰაგენტებთან და ა.შ. საინკუბაციო პერიოდი მოიცავს 2-3 წელს, რომლის გასვლის შემდეგ მცირე ფირმები ტოვებენ ინკუბატორს და იწყებენ დამოუკიდებელ საქმიანობას. ბიზნესის წამოწყების მხარდასაჭერად ხელსაყრელი მიკროკლიმატის (ინკუბატორის) შექმნის იდეა პირველად შემუშავდა XX საუკუნის 80-იან წლებში, ხოლო პრაქტიკული რეალიზაცია 90-იანი წლებიდან დაიწყო.
