ვენესუელა
ვენესუელა - (Venezuela – ვენესუელის რესპუბლიკა), სახელმწიფო სამხრეთ ამერიკის ჩრდილოეთ ნაწილში, კარიბის ზღვისა და ატლანტის ოკეანის სანაპიროზე. სამხრეთ-დასავლეთით ესაზღვრება კოლუმბია, სამხრეთით და სამხრეთ-აღმოსავლეთით – ბრაზილია, აღმოსავლეთით – გაიანა.
ფართობი - 916 ათ.კმ2. მოსახლეობა - 29,2 მლნ. კაცი (2012).
ოფიციალური ენა – ესპანური.
დედაქალაქი – ქ. კარაკასი.
ადმინისტრაციულად იყოფა 22 შტატად, ფედერალურ დედაქალაქის ოლქად და ფედერალურ სამფლობელოებად (კუნძული კარიბის ზღვაში).
ვენესუელა ფედერალური რესპუბლიკაა.
სახელმწიფოს და მთავრობის მეთაურია - პრეზიდენტი.
საკანონმდებლო ორგანო – კონგრესი (ორპალატიანი პარლამენტი).
დამოუკიდებლობა გამოცხადდა 1811 წელს.
ეკონომიკის საფუძველს წარმოადგენს ნავთობის მოპოვება (მსოფლიოში მოწინავე ადგილი უკავია). სამხედრო მრეწველობა აწარმოებს ძირითადად საარტილერიო და ცეცხლსასროლ იარაღს, ასაფეთქებელ ნივთიერებებს; არემონტებენ მსუბუქ თვითმფრინავებს და მათ ძრავებს.
საზღვაო პორტებია: ლა-გუაირა, მარაკაიბო, პუერტო-კაბელიო, პუერტო-ლაკრუსი, პუნტო-ფიხო.
საერთაშორისო აეროპორტებია: კარაკასი, მარაკაიბო.
შეიარაღებული ძალები საერთო შემადგენლობით 83,1 ათ. კაცი (2012), სახმელეთო ჯარები 63 ათ., სამხედრო-საზღვაო 18,3 ათ. და სამხედრო-საჰაერო ძალები 1,8 ათ. გასამხედროებული ფომირებებია ეროვნული გვარდია და ეროვნული მილიცია. შეიარაღებული ძალების დაკომპლექტება ხორციელდება გაწვევით.
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი,2017
