იხილეთ წყარო გვერდისთვის კორეის ომი 1950-53

[[ფაილი:Koreis omi.jpg|thumb|250პქ|კორეის ომი]]
'''კორეის ომი 1950-53''' -  [[სამხედრო კონფლიქტი]] ჩრდილო კორეასა (მხარს უჭერდნენ [[ჩინეთი]] და სსრ კავშირი) და სამხრეთ კორეას შორის, რომლის დასაცავად გამოვიდნენ [[გაერთიანებული ერების ორგანიზაციის შეიარაღებული ძალები|გაეროს ძალები]] და, განსაკუთრებით, [[აშშ]]. 

[[კონფლიქტი|კონფლიქტის]] წინაპირობები შეიქმნა 1945 წელს კორეის გაყოფით 38-ე პარალელზე საბჭოთა და ამერიკულ საოკუპაციო ზონებად. 1948 წელს საბჭოთა ზონაში (კორეის ჩრდილო ნაწილი) ჩამოყალიბდა კომუნისტური კორეის სახალხო-დემოკრატიული რესპუბლიკა, სამხრეთ კორეაში კი – კორეის რესპუბლიკა, რომელიც აშშ-ზე იყო ორიენტირებული. 

1950 წლის ივნისში ჩრდილო კორეის ჯარები შეიჭრნენ სამხრეთ კორეაში და დაიკავეს მისი ტერიტორიის დიდი ნაწილი ქ. პუსანის რაიონის გარდა. [[გაერო|გაეროს]] უშიშროების საბჭომ, რომლის მუშაობაში იმ დროს სსრ კავშირი არ მონაწილეობდა, მიიღო გადაწყვეტილება სამხრეთ კორეისათვის აღმოეჩინათ [[სამხედრო დახმარება]]. კორეაში გადასხდნენ აშშ-ისა და მისი მოკავშირეების ძალები, რომლებმაც
სამხრეთ კორეის ჯარებთან ერთად უკუაგდეს კომუნისტები, ხოლო 1950 წლის ბოლოსათვის დაიკავეს ჩრდილო კორეის ტერიტორიის დიდი ნაწილიც. ამ [[ვითარება (სამხედრო)|ვითარებაში]] კორეაში შეიჭრნენ კომუნისტური ჩინეთის ჯარები (ოფიციალურად – „მოხალისეები“) და ფრონტმა ისევ ძველი
საზღვრის რაიონში გადმოინაცვლა. ხანგრძლივი მოლაპარაკებების შემდეგ მოწინააღმდეგეები ერთმანეთს დაუზავდნენ (1953 წლის 27 ივლისს). 

სხვადასხვა მონაცემით [[ომი|ომში]] დაიღუპა 2,5-დან 4 მლნ-მდე ადამიანი (მშვიდობიანი მოსახლეობის ჩათვლით). ჩინელი „მოხალისეების“ დანაკარგი 1 მლნ-ს აღწევდა;  დაიღუპა, აგრეთვე 33 ათ. ამერიკელი [[სამხედრო მოსამსახურე]]. კორეის მშვიდობიანი გაერთიანების ცდებს დღემდე არ გამოუღია შედეგი.





==წყარო==
[[ქართული სამხედრო ენციკლოპედიური ლექსიკონი]]

[[კატეგორია:ომები]]
[[კატეგორია:კორეის ომები]]