რაკუგო
NPLG Wiki Dictionaries გვერდიდან
13:32, 3 მაისი 2023-ის ვერსია, შეტანილი Tkenchoshvili (განხილვა | წვლილი)-ის მიერ
რაკუგო – ზეპირი თხრობის თეატრალური ჟანრი იაპონიაში (XVI ს.). რაკუგოს წარმოდგენები იმართებოდა საგანგებოდ მისთვის განკუთვნილ ოთახში. იატაკზე დაფენილ ჭილოფზე მსახიობი (რაკუგოკა) ჩაიმუხლებდა და ამ პოზაში მაყურებელს სახალისო ამბებს მოუთხრობდა. მისი განუყრელი აქსესუარი იყო მარაო და ხელსახოცი, რომელთაც იშველიებდა თხრობის დროს. რაკუგო განკუთვნილი იყო არა მარტო მაღალი წრის საზოგადოებისათვის.
