საზღვაო ომი
საზღვაო ომი - საერთაშორისო საზღვაო სამართალში – საომარი მოქმედებების ყველა სახეობა, რომელიც წარმოებს საომარი მოქმედებების საოკეანო და საზღვაო თეატრებზე.
საზღვაო ომის დროს სახელმწიფოებს შორის ურთიერთობები რეგულირდება როგორც სახელშეკრულებო პრინციპების და საერთაშორისო სამართლის ნორმების, ისე ომის კანონებისა და წეს-ჩვეულებების საფუძველზე. უკანასკნელი სამხედრო-საზღვაო ოპერაციების შესაბამისად, შეიძლება ხორციელდებოდეს მხოლოდ მეომარი მხარეების შეიარაღებული ძალებით და მხოლოდ საზღვაო ომის თეატრის ფარგლებში ანუ ღია ზღვაში, მეომარი სახელმწიფოების ტერიტორიულ წყლებსა და შიდა წყლებში, აგრეთვე მათ თავზე, საჰაერო სივრცეში.
საზღვაო ომის თეატრში არ შეჰყავთ ნეიტრალური სახელმწიფოების შიდა და ტერიტორიული წყლები, აგრეთვე საერთაშორისო სრუტეები და საერთაშორისო არხები, რომლებსაც ნეიტრალური სტატუსი აქვთ.
