სახელმწიფოს თავდაცვისუნარიანობა

NPLG Wiki Dictionaries გვერდიდან
23:58, 4 ნოემბერი 2021-ის ვერსია, შეტანილი Tkenchoshvili (განხილვა | წვლილი)-ის მიერ

(განსხ.) ←წინა ვერსია | მიმდინარე ვერსია (განსხ.) | შემდეგი ვერსია→ (განსხ.)
გადასვლა: ნავიგაცია, ძიება

სახელმწიფოს თავდაცვისუნარიანობა – ქვეყნის, მისი მოსახლეობის და შეიარაღებული ძალების მომზადების დონე და პოტენციალი გარეშე აგრესიის მოსაგერიებლად, სახელმწიფოს ტერიტორიული მთლიანობის და დამოუკიდებლობის დასაცავად.

სახელმწიფოს თავდაცვისუნარიანობა დამოკიდებულია ისეთ ფაქტორებზე, როგორიცაა:

  • ომის საფრთხის ხასიათი და მასშტაბი;
  • ქვეყნის ჩართულობა საერთაშორისო კოლექტიური უსაფრთხოების სტრუქტურებში, ქვეყნის სამხედრო პოტენციალი, მისი ეკონომიკური, მეცნიერულ- ტექნიკური განვითარება და ადამიანური რესურსები;
  • საზოგადოების სოციალური და ეროვნებათშორისი ერთიანობა და მოსახლეობის მორალურ-ფსიქოლოგიური მზადყოფნა, პოლიტიკური და სამხედრო ხელმძღვანელობის უნარი ეფექტიანად გამოიყენოს არსებული შესაძლებლობები.

სახელმწიფოს თავდაცვისუნარიანობის საფუძველს შეადგენს შეიარაღებული ძალების საბრძოლო პოტენციალი, მათი უნარი, თავიდან აიცილონ შეიარაღებული თავდასხმა, ხოლო აგრესიის შემთხვევაში – მოიგერიონ და დაამარცხონ მოწინააღმდეგე.


წყარო

ქართული სამხედრო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%A1%E1%83%90%E1%83%AE%E1%83%94%E1%83%9A%E1%83%9B%E1%83%AC%E1%83%98%E1%83%A4%E1%83%9D%E1%83%A1_%E1%83%97%E1%83%90%E1%83%95%E1%83%93%E1%83%90%E1%83%AA%E1%83%95%E1%83%98%E1%83%A1%E1%83%A3%E1%83%9C%E1%83%90%E1%83%A0%E1%83%98%E1%83%90%E1%83%9C%E1%83%9D%E1%83%91%E1%83%90&oldid=131060“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები