ტენსაზომი
NPLG Wiki Dictionaries გვერდიდან
20:46, 25 ნოემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
ტენსაზომი – გაზის, სითხის და მყარი ტანის ტენიანობის გასაზომი ხელსაწყო. ჰაერის ტენიანობის გასაზომად გამოიყენება ფსიქომეტრი და გიგრომეტრი; სითხეების (რომელშიც წყალი არ არის ძირითადი კომპონენტი, მაგ., ნავთობი, სპირტი) – ტევადური, რომლის მუშაობა დაფუძნებულია სითხეში დიელექტრიკული მუდმივას ან დიელექტრიკული დანაკარგის განსაზღვრაზე; კონდუქტომეტრიული – რომელიც დაფუძნებულია სითხის ელექტროგამტარობის განსაზღვრაზე; გიგროსკოპული ელექტროქიმიური – გამოიყენება აორთქლებადი გაზებისათვის. მყარი სხეულების ტენიანობის გასაზომად გამოიყენება ტევადური, კონდუქტომეტრიული და რადიოიზოტოპური ტენსაზომი, რომლის მუშაობის პრინციპი ემყარება წყლის წყალბადის ბირთვის მიერ რეზონანსული რადიოტალღების შთანთქმას.
