შაბიამანი

შაბიამანი (სპილენძის სულფატი) – არაორგანული ნაერთი, გოგირდმჟავას (H₂SO₄) სპილენძის მარილი ფორმულით CuSO₄. უვნებელი, გაუმჭვირი, ჰიგროსკოპული ნივთიერება.
სიმკვრივე – 2284 კგ/მ³;
სიმაგრე მოოსის სკალით – 2,5.
კარგად იხსნება წყალში და წარმოქმნის ლურჯი ფერის პენტაჰიდრატს CuSO₄·5H₂O (სპილენძის კუპოროსი).

მშენებლობაში გამოიყენება ლითონის ელემენტებში გაჟონვის, ჟანგის, ხოლო აგურის, ბეტონის ან მობათქაშებულ ზედაპირებზე მარილოვანი ლაქების მოსაცილებლად; მერქნის ლპობის საწინააღმდეგოდ, როგორც ანტისეპტიკი და ფუნგიციდი, აგრეთვე სადეზინფექციო საშუალებად, მცენარეების შესაწამლად, საღებავების წარმოებაში, მედიცინაში და სხვ. ტოქსიკურობის თვალსაზრისით მიეკუთვნება ნაკლებადსაშიშ ნივთიერებების კლასს. ინახება ჰერმეტულად დახურულ მინის ან პლასტმასის ჭურჭელში.

წყარო

სამშენებლო ენციკლოპედიური ლექსიკონი