იხილეთ წყარო გვერდისთვის ჩიქავა ლეო

[[ფაილი:Ciqava leo.jpg|thumb|140პქ|'''ლეო ჩიქავა''']]	
'''ლეო ჩიქავა''' – ''(დ. 20 თებერვალი, 1928, ზუგდიდის რაიონის სოფელი კოკი — გ. ივლისი, 2015).'' — ეკონომისტი, პოლიტიკოსი. ეკონომიკის მეცნიერებათა დოქტორი, პროფესორი; მრავალი სამეცნიერო ნაშრომის, მონოგრაფიების ავტორი. 

'''განათლება''' –  [[თბილისის სახელმწიფო უნივერსიტეტი]]ს ეკონომიკის ფაკულტეტი (1950); ასპირანტურა (1953). 

'''სამუშაო გამოცდილება''' 
*ეწეოდა სამეცნიერო საქმიანობას. (1990-2006). 
*[[საქართველო]]ს რესპუბლიკის პირველი მოწვევის უზენაესი საბჭოს წევრი (1990-91) საქართველოს კომუნისტური პარტიისაგან; 

ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი). 

ლეო ჩიქავა იყო [[საქართველო|საქართველოს]] მეცნიერებათა ეროვნული აკადემიის წევრ-კორესპონდენტი (1997), ეკონომიკურ მეცნიერებათა დოქტორი (1968), პროფესორი (1970), საქართველოს მეცნიერების დამსახურებული მოღვაწე (1986), საქართველოს ეკონომიკურ მეცნიერებათა აკადემიის პრეზიდენტი (1994), ნიუ-იორკის მეცნიერებათა აკადემიის აკადემიკოსი, პ. გუგუშვილის სახელობის უნივერსიტეტის რექტორი (1996), საქართველოს მეცნიერებათა ეროვნული აკადემიის საზოგადოებრივ მეცნიერებათა განყოფილების დემოგრაფიის კომისიის თავმჯდომარე (2011), [[თსუ]] რექტორის მრჩეველთა საბჭოს თავმჯდომარის მოადგილე (2011). დაამთავრა თსუ ეკონომიკის ფაკულტეტი (1950). იყო პოლიტიკური ეკონომიის კათედრის გამგე, ჯერ [[თბილისი|თბილისის]] ი.ჭავჭავაძის სახელობის უცხო ენათა სახელმწიფო პედაგოგიურ ინსტიტუტში (1969-1974), ხოლო შემდეგ - საქართველოს პოლიტექნიკურ ინსტიტუტში (1974-1983), საქართველოს მეცნიერებათა ეროვნული აკადემიის [[ეკონომიკა|ეკონომიკისა]] და სამართლის ინსტიტუტის დირექტორის მოადგილე სამეცნიერო მუშაობის დარგში (1983-1990), საქართველოს დემოგრაფიის სოციალურ-ეკონომიკური პრობლემების კვლევის ცენტრის დირექტორი (1990-1991), საქართველოს მეცნიერებათა ეროვნული აკადემიის დემოგრაფიისა და სოციოლოგიური კვლევის ინსტიტუტის დირექტორი (1991- 2006), სახელმწიფო სამსახურის მართვისა და მოსამსახურეთა მომზადების, გადამზადებისა და კვალიფიკაციის ამაღლების ცენტრის უფროსი (1999-2007). უმაღლეს სასწავლებლებში პედაგოგიურ მოღვაწეობასთან ერთად ეწევა მეცნიერულ-კვლევით საქმიანობას. იგი, როგორც საქართველოს ტექნიკურ უნივერსიტეტთან არსებული საქართველოს საწარმოო ძალებისა და ბუნებრივი რესურსების შემსწავლელი ცენტრის მთავარი მეცნიერ-თანამშრომელი, იკვლევს შრომითი რესურსების ფორმირებისა და გამოყენების პრობლემებს რეგიონულ ჭრილში.

ლეო ჩიქავა არის 180-ზე მეტი სამეცნიერო ნაშრომის ავტორი. მათი უმრავლესობა ეძღვნება [[ეკონომიკური თეორია|ეკონომიკური თეორიის]], საქართველოს სოციალურ-ეკონომიკური განვითარებისა და დემოგრაფიის აქტუალურ პრობლემებს. ძირითადი ნაშრომებია: „საქართველოს კვების მრეწველობის ადგილი და როლი შრომის საერთო-საკავშირო დანაწილებაში.“ თბ., 1965; „საქართველოს კვების მრეწველობის ტერიტორიული სპეციალიზაციისა და ეკონომიკური ეფექტიანობის საკითხები“ (რუსულ ენაზე), თბ., 1968; „არამატერიალური წარმოების სფეროს პოლიტეკონომიური ასპექტები.“ თბ., 1987; „შრომის მწარმოებლურობა და მისი ამაღლების გზები“  (ქართულ და რუსულ ენებზე). თბ., 1986; ეკონომიკური და დემოგრაფიული ტერმინოლოგია (რუსულ-ქართული და ქართულ-რუსული). თბ., 2001 (თანაავტორობით); „დემოგრაფიული კატეგორიები და კანონები.“ თბ., 2002; „ინოვაციური ეკონომიკა“. თბ., 2006; „ეკონომიკური თეორიის მოკლე კურსი“. დამხმარე სახელმძღვანელო. თბ., 1997 (პირველი გამოცემა); თბ., 2006 (მეორე გამოცემა). ორიგინალობით გამოირჩევა მისი ბოლო პერიოდში გამოქვეყნებული მონოგრაფიული გამოკვლევები: „დემოლოგია და მისი კანონთა სისტემა“. თბ., 2008; „[[დასაქმება]] და [[უმუშევრობა]] საქართველოში“. თბ., 2012. ლ. ჩიქავას ინიციატივითა და ძალისხმევით მრავალი საინტერესო ღონისძიება ტარდება ი. ჭავჭავაძის სახელობის საქართველოს მწიგნობართა ასოციაციაში, რომლის ეკონომიკის სექციასაც თვით ხელმძღვანელობს. 

სხვა საქმიანობა: არის შემდეგი ჟურნალების სარედაქციო კოლეგიის წევრი: „საზოგადოება და ეკონომიკა“ (რუსულ ენაზე, მოსკოვი), „ეკონომიკა“, „საქართველოს ეკონომიკა“, „დემოგრაფია“, „ეკონომისტი“, „ახალი ეკონომისტი“, „[[ფინანსები]], საბანკო საქმე, [[ინვესტიცია|ინვესტიციები]]“, „ეკონომიკა და [[ბიზნესი]]“. 

ამავე ცენტრმა იგი აღიარა თავისი მეცნიერული შემოქმედებით საქართველოს 2009 წლის გამორჩეულ მოღვაწედ; ივ. ჯავახიშვილის სახელობის მედალი (1988), საქართველოს საპატრიარქოს სიგელი (2007).


'''სახელმწიფო ჯილდო'''<br />
ღირსების ორდენის კავალერი. 


==წყარო==
[[საქართველოს პარლამენტის წევრები 1990-2015]]
[[კატეგორია:ქართველი ეკონომისტები]]
[[კატეგორია:ქართველი მეცნიერები]]
[[კატეგორია:ქართველი პოლიტიკოსები]]
[[კატეგორია:საქართველოს პარლამენტის წევრები]]
[[კატეგორია:1990-1991 წლების საქართველოს რესპუბლიკის პირველი მოწვევის უზენაესი საბჭოს წევრები ]]
[[კატეგორია:საქართველოს კომუნისტური პარტიის წევრები]]
[[კატეგორია:საქართველოს ღირსების ორდენის კავალრები]]
[[კატეგორია:ჩიქავები]]