ცაცხვი

ცაცხვი

ცაცხვი – (Tilia caucasica Rupr. = Tilia rubra subsp. Caucasica [Rupr.] V. Engl.); ოჯახი: ცაცხვისებრნი (Tiliaceae). 40 მ სიმაღლის ხეა. მისი ნორჩი ტოტები შიშველია ან შებუსული, მოწითალო. ფოთლის ყუნწები შიშველია. ფოთლები უხეშია, ფორმით მომრგვალო-კვერცხისებური. ქვედა მხარე მწვანეა, შიშველი ან მცირედ შებუსული, კიდეებზე ბასრხერხკბილა. ყვავილედი 12-25 ყვავილისგან შედგება. გვირგვინი ყვითელია. ყვ. VI-VII; ნაყ. VIII-IX. მცენარე იზრდება ტყეებში, ხეობებში, ცალკეური ინდივიდების ან პატარა ჯგუფების სახით. კახეთში მისი ნახვა შესაძლებელია ყველგან. გავრცელებულია მთელ საქართველოში.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.