წიფელი

წიფელი

წიფელი - (Fagus orientalis Lipsky); ოჯახი: წიფლისებრნი (Fagaceae). 20-40 მ. სიმაღლის ხეა, გლუვი, რუხი ან თეთრი ფერის ქერქით. ფოთლები რიგ-რიგად ორ მწკრივად არის განლაგებული. ფორმით ელიფსურიდან უკუკვერცხისებურამდე. კიდეებზე ოდნავ ტალღისებური ან ოდნავ დაკბილულია. ფოთლის ფირფიტის სიგრძე 8-12 სმ-ია, სიგანე – 3-9 სმ. ზედა მხრიდან მუქი მწვანე ფერისაა, პრიალა, შიშველი. ქვედა მხარე ღია მწვანეა, ძარღვების გაყოლებაზე შებუსული. ყვ. IV-V; ნაყ. IX-X. კახეთის რეგიონის ტყეების მთავარი ტყის შემქმნელი სახეობაა. გავრცლებულია დაბლობიდან სუბალპურ სარტყლამდე. კახეთში მისი ნახვა ყველგან არის შესაძლებელი. გავრცელებულია მთელ საქართველოში, გარდა თუშეთისა და აღმ. საქართველოს ჭალის ტყეებისა.

წყარო

კახეთის რეგიონის მცენარეები