ხეფუტკარა

ხეფუტკარა − ტყის ველური ფუტკარი. ტყის ფუტკარი, რომელიც „ღრუიან ხეში”, წიფლის, ცხემლის, თელის, თხმელის მაღალ ფუღუროიან ხეებში ბუდობდა, ასევე, ნაყარი ფუტკარი, რომელიც სკას ვერ მიაგნებდა და ჩვეულებრივ ფუღუროში დაისადგურებდა. ხეფუტკარა შინაურ ფუტკარზე უფრო გამრჯე და მუშა იყო. წელიწადში სამ-ოთხჯერ მართვეს ყრიდა, მაგრამ ავი და მიუკარებელი იყო. ჭვანის ხეობაში ამ სახელით ტოპონიმიც დასტურდება.

ლიტერატურა

დავითაძე, 1973:72; 1974:36; ნიჟარაძე, 1971:434-435; კახიძე, 1974:54; სამხრეთ-დასავლეთ საქართველოს..., 2009:364; კობერიძე, 2011:33.

წყარო

ქართველი ხალხის ეთნოლოგიური ლექსიკონი აჭარა